Сеткавае выданне zviazda.by

Беларускія жанчыны актыўна выкарыстоўваюць дзяржпадтрымку на адкрыццё ўласнага бізнесу. Пра гэта заявіла журналістам міністр працы і сацыяльнай абароны Наталля Паўлючэнка на палях другога рэспубліканскага форуму жанчын-прадпрымальнікаў «Энергія і стварэнне», паведамляе БелТА.

На ўзроўні афіцыйных дэлегацый у 35-й міжнароднай спецыялізаванай выставе «Белагра» запланаваны ўдзел больш як 20 краін, ёсць і тыя, хто прадставяць свае дасягненні ў аграрнай сферы і пазнаёмяцца з поспехамі беларускай сельскай гаспадаркі ўпершыню, — такіх будзе сем. У дэталях аб удзельніках «Белагра-2025» расказаў намеснік міністра сельскай гаспадаркі і харчавання Уладзімір Гракун.

Практычна кожны год у вёсцы Бараўляны, што пад Мінскам, узводзяцца новыя аб’екты сацыяльнай інфраструктуры. Толькі з апошняга — паліклініка, дзіцячы садок, ТЦСАН... Напярэдадні Міжнароднага дня абароны дзяцей патрэбны і прыгожы падарунак атрымалі самыя маленькія жыхары вёскі — на вуліцы Васільковай адкрыўся яшчэ адзін сучасны дзіцячы садок № 4 на 240 месцаў.

Кампанія А1 у партнёрстве з Беларускім дзіцячым фондам завяршыла серыю сустрэч першага патоку Клуба адказных інфлюенсераў «Ты ў сеціве» — ініцыятывы, скіраванай на абарону дзяцей і падлеткаў у анлайн-прасторы. На працягу пяці тэматычных сустрэч у красавіку і маі 2025 года беларускія блогеры абмяркоўвалі з экспертамі пытанні лічбавай бяспекі, адказнасці ў анлайн-камунікацыі і ўплыву кантэнту на дзіцячую аўдыторыю ў сацсетках. 

Няёмка нават казаць, але на беларускім спажывецкім рынку зашмат прадаецца імпартных тавараў. І з кожным годам іх доля імкнецца да павелічэння. І калі ў сегменце нехарчовых тавараў гэту тэндэнцыю яшчэ неяк можна растлумачыць: даходы не так хутка, як хацелася б, але павялічваюцца. Адпаведна спажывецкі кошык пашыраецца: ужо амаль усе абзавяліся ноўтбукамі, смартфонамі і іншымі гаджэтамі, а іх у Беларусі практычна не вырабляюць. Але чаму зніжаецца доля продажу айчынных прадуктаў харчавання?! Гэта катэгорыя ў нас развіта вельмі нават нядрэнна, у шырокім асартыменце і разнастайнасці. Магчыма, справа не толькі ў канкурэнтаздольнасці, але і ў дэфіцыце спажывецкага патрыятызму. А без жадання купляць роднае дастаткова праблематычна дабіцца вялікіх вынікаў.

Пра месцазнаходжанне 36-гадовай Кацярыны Казнадзей не было інфармацыі крыху больш за суткі, аднак гэтая гісторыя апынулася са шчаслівым канцом, паведамляе Smartpress.by.

III З’езд партыі «Белая Русь» адбудзецца 28 чэрвеня. Такое рашэнне прынята сёння на пасяджэнні Прэзідыума Вышэйшага палітычнага савета Беларускай партыі «Белая Русь», паведамляе БелТА.

Расійскі рубель падаражэў, долар і юань патаннелі на таргах 30 траўня. Такая інфармацыя размешчана на сайце Беларускай валютна-фондавай біржы, паведамляе БелТА.