Сеткавае выданне zviazda.by

Урачысты сход да 80-годдзя Вялікай Перамогі аб’яднаў усіх неабыякавых да сваёй гераічнай і трагічнай гісторыі людзей. Было бачна па настроі: для ўсіх з іх Дзень Перамогі — найважнейшае свята, якое не адняць, не падмяніць. 

У гісторыка-культурным комплексе «Лінія Сталіна» 9 і 10 мая пройдуць урачыстыя мерапрыемствы, прымеркаваныя да святкавання 80-годдзя Перамогі. У праграме — розныя квэсты і экскурсіі, магчымасць пастраляць з гармат і пакатацца на ваеннай тэхніцы, паведамілі «Минск-Новости».

Да музыкі кампазітараў XX стагоддзя беларускія калектывы звяртаюцца радзей, чым да спадчыны творцаў пазамінулых вякоў. А калі гэта адбываецца, то перавага аддаецца рускім і беларускім аўтарам, і нездарма: шанаваць зробленае геніяльнымі папярэднікамі, творчасць якіх стала сусветным набыткам, — сапраўдны абавязак.

Канцэртная праграма «Скандынаўская сага» ў Беларускай дзяржаўнай філармоніі прываблівае не толькі паўночным кірункам музычнага майстэрства, але і вяртаннем (праз 10 гадоў!) у рэпертуар Дзяржаўнага камернага аркестра Рэспублікі Беларусь добра вядомых мінскай публіцы кампазіцый. У Вялікай зале прагучалі творы музычнага казачніка Карла Іахіма Андэрсана, класіка скандынаўскай музыкі Эдварда Грыга, яго сучасніка Юхана Свенсана і іншых. Аднак аб усім па парадку.

Выдатны арганіст Аляксандр Фісейскі чарговы раз выступіў у Мінску. Да 340-годдзя з дня нараджэння Іагана Себасцьяна Баха музыкант прадставіў «Арганную месу». Кампазіцыя, якая лічыцца адной з самых грандыёзных, створаных калі-небудзь для аргана, прагучала ў рамках цыкла канцэртаў «Шэдэўры сусветнага арганнага мастацтва».

Вечар пятніцы для прадстаўнікоў Мінскай вобласці, якія праглядзелі канцэрт-рэквіем «Кожны трэці» ў Палацы Рэспублікі, выдаўся эмацыянальна няпростым. Са слязамі на вачах, моўчкі, госці выходзілі з глядзельнай залы. Усё, што яны сёння ўбачылі, — а гэта не толькі канцэрт, але і шэраг выставачных праектаў у фае, прысвечаных Вялікай Перамозе, — не пакінула абыякавым, пэўна, ніводнага з прысутных. Яно і зразумела: праводзімае мерапрыемства — жывая памяць, рэальныя гісторыі, дакументы, факты аб гераізме і мужнасці нашых суайчыннікаў і на фронце, і ў тыле.

Серыя канцэртаў-рэквіемаў «Кожны трэці», арганізаваная па даручэнні Прэзідэнта для ўсіх рэгіёнаў краіны, працягваецца. У чацвер кранальную праграму ў Палацы Рэспублікі ўбачылі прадстаўнікі Магілёўскай вобласці.

Сярод мерапрыемстваў, прысвечаных 80-годдзю Вялікай Перамогі, гэта, бадай, адно з самых адметных. Фактычна серыя канцэртаў-рэквіемаў «Кожны трэці», прысвечаных памяці герояў і ахвярам Вялікай Айчыннай вайны, якая пачалася 6 красавіка ў Палацы Рэспублікі, гэтыя асноўныя мерапрыемствы і адкрывае. Канцэрт-рэквіем «Кожны трэці» нясе асноўную сэнсавую нагрузку — важна памятаць усіх, хто загінуў у гады вайны і дзякуючы каму была здабыта Перамога.

Таленавітым спалучэннем лірычнай мелодыі і пяшчотнай паэзіі радуе гледачоў новы цыкл канцэртаў «Стиха и музыки творенье...». Першая праграма цыкла «Белы перазвон» прысвечана рускай паэзіі ХІХ — пачатку ХХ стст. у музычным прачытанні кампазітараў Беларусі і Расіі.

Насамрэч адлік існавання калектыву можна пачынаць раней, звязаўшы яго наогул з дзейнасцю знакамітага фалькларыста і музыканта Рыгора Шырмы, бо яшчэ да ўз’яднання Заходняй і Усходняй Беларусі гэты «паляшук», як запісалі яго ў пашпарце тагачасныя польскія ўлады, ужо ствараў калектывы, і яны выступалі з беларускім рэпертуарам. А ў 1939 годзе ён атрымаў ад савецкіх улад мандат на арганізацыю харавога калектыву. Ужо ў 1940-м пайшлі канцэрты Беларускага ансамбля песні і танца пад кіраўніцтвам Рыгора Шырмы.