Сеткавае выданне zviazda.by

Пачынаючы з першага дня датэрміновага галасавання пачне работу Цэнтр грамадскага назірання за выбарамі, дзе будзе акумулявацца інфармацыя ад назіральнікаў аб ходзе галасавання і магчымых пазаштатных сітуацыях. Прадстаўнікі найбуйнейшых грамадскіх аб’яднанняў, палітычных партый краіны зноў аб’яднаюць намаганні для сумеснай працы па назіранні за ходам галасавання.

Школьнікі з прыкметамі захворвання могуць адсутнічаць ва ўстановах адукацыі да пяці дзён без прадастаўлення медыцынскай даведкі.

Адна з такіх сустрэч прайшла сёння ў Дуянаўскім сацыяльным пансіянаце «Загарадны» Гомельскай вобласці. Тут жыве больш за 300 пастаяльцаў, многія з іх з інваліднасцю. Безбар’ернае асяроддзе, творчыя заняткі па інтарэсах, пастаянны догляд і медыцынская дапамога — ва ўстанове імкнуцца не толькі стварыць камфортныя ўмовы для пражывання, але і праводзяць сацыяльна-працоўную рэабілітацыю. Свой уклад для паляпшэння матэрыяльна-тэхнічнай базы ўстановы ўнеслі і прафсаюзы. Кінапраектар і камп’ютары ад нацыянальнага прафцэнтра дапамогуць у арганізацыі вольнага часу і сацыяльнай рэабілітацыі пастаяльцаў пансіяната.

Урад удасканаліў парадак аказання платных медыцынскіх паслуг у дзяржаўных установах аховы здароўя.

Запрацавалі пенсіённыя навацыі, прадугледжаныя Указам Прэзідэнта «Аб сацыяльнай падтрымцы». Адно з самых чаканых новаўвядзенняў — зняцце абмежаванняў памеру пенсій для працоўных пенсіянераў. Яно закране больш за 100 тысяч чалавек, якія да гэтага года атрымлівалі пенсію ў меншым памеры. Са студзеня іх даходы павялічацца — у некаторых да 500 рублёў. Прычым пералік праводзіцца аўтаматычна, таму дадаткова звяртацца ў органы па працы і сацыяльнай абароне не трэба.

Нагадаем, што дыспансерызацыя ў нашай краіне праводзіцца з 2023 года. Яе мэтамі з’яўляюцца медыцынская прафілактыка, у тым ліку выяўленне хранічных неінфекцыйных захворванняў на ранніх стадыях, прапаганда здаровага ладу жыцця, а таксама выхаванне адказнасці грамадзян за сваё здароўе.

З 1 студзеня набыла моц пастанова Міністэрства адукацыі Беларусі № 204, якая прадугледжвае павышэнне памераў надбавак педагагічным работнікам. У сувязі з тым, што новаўвядзенні часта выклікаюць розныя пытанні, Беларускі прафсаюз работнікаў адукацыі і навукі адкрывае прамую тэлефонную лінію.

«Мы будзем усё рабіць для дзяцей, бо дзеці — гэта галоўнае», — сказаў Прэзідэнт Беларусі Аляксандр Лукашэнка напярэдадні Новага года, падчас наведвання Мінскай абласной дзіцячай клінічнай бальніцы. Незабыўныя ўражанні і станоўчыя эмоцыі ў той дзень, напэўна, сталі найлепшымі лекамі для маленькіх пацыентаў. А ў святочную ноч у нашай краіне нарадзіліся новыя маленькія беларусы, і ўчора іх матуль ад імя Прэзідэнта віншавалі высокія дзяржаўныя асобы — што стала лагічным працягам і найлепшым пацвярджэннем нашай унутранай палітыкі і прамоўленых кіраўніком краіны слоў.

Зімовае надвор’е надзвычай пераменлівае. Таму, каб расчахліць лыжы і канькі, варта аператыўна лавіць снежныя і марозныя дні. Расказваем, дзе можна знайсці снег і лёд, калі нават за акном іх не відаць, а таксама дзе будуць даступныя лыжныя трасы, хакейныя пляцоўкі, горкі для катання на цюбінгах і іншыя аб’екты зімовых актыўнасцяў.

Па даручэнні кіраўніка дзяржавы з 2022 года ў краіне рэалізуецца маштабная ініцыятыва «Адзін раён — адзін праект», накіраваная на ўмацаванне беларускай эканомікі і актывізацыю інвестыцыйнай дзейнасці. Праграма ўключае ўжо больш за 200 праектаў, а некалькі дзясяткаў іх завершана ў розных рэгіёнах краіны. Большую частку складаюць праекты вытворчай накіраванасці — у дрэваапрацоўцы, металургічнай вытворчасці, вытворчасці машын і абсталявання, перапрацоўцы аграпрамысловай прадукцыі, выпуску медыцынскіх вырабаў, фармацэўтыцы.