Сеткавае выданне zviazda.by

Шмат таямніц і загадак захоўваюць у сабе гарады ўсходняй Беларусі. «Звязда» разам з Нацыянальным агенцтвам па турызме адправілася ў Мсціслаў, каб расказаць і паказаць, чым адметныя гэты старажытны горад і яго наваколле.

На днях медыяпрастора краіны-суседкі «вылілася» матэрыяламі з разраду «не хадзіце, дзеці, у Афрыку (Беларусь) шпацыраваць» ... гэта не даслоўна, вядома ж, але сутнасць наратываў перададзена дакладна: ездзіць па бязвізу ў нашу краіну вельмі шкодна і небяспечна, маўляў, завярбуюць, пасадзяць, а калі нават і не, дык можаце не вярнуцца дадому: у імгненне закрыем граніцу ў аднабаковым парадку (пагражаюць нават не за дзень-два, а на працягу некалькіх гадзін усталяваць жалезную заслону) і будзеце «кукаваць» і горка плакаць.

У цырымоніі прынялі ўдзел кіраўнік рэгіянальнай грамадскай арганізацыі «Нацыянальна-культурная аўтаномія беларусаў Карэліі» Святлана Барташэвіч і дырэктар Рэспубліканскага цэнтра нацыянальных культур Вольга Якабсон, прадстаўнікі беларускай дыяспары ў Карэліі, айцец Фёдар з мінскага прыхода ў гонар Усіх Святых і навучэнцы 43 гімназіі і СШ № 70 г. Мінска.

Сустрэча за круглым сталом у атмасферы адкрытасці і даверу прайшла ў Палацы Незалежнасці. Прэзідэнт Беларусі Аляксандр Лукашэнка сустрэўся з прадстаўнікамі васьмі рэлігійных канфесій. Такое шырокае раўнапраўнае прадстаўніцтва не дзіўнае, бо, як заўважыў кіраўнік дзяржавы, у сваёй найноўшай гісторыі беларуская зямля не ведала рознагалоссяў і пераследаў па рэлігійнай, нацыянальнай ці расавай прыкмеце.

Тэма размеркавання паўнамоцтваў і вызначэння кампетэнцый старшынь выканкамаў базавага ўзроўню, якая ўзнімалася на мінулым тыдні падчас нарады ў Прэзідэнта і вынікам якой стала навіна аб з’яўленні ў хуткім часе адпаведнага ўказа кіраўніка дзяржавы, асабліва актыўна абмяркоўваецца на месцах. Гэта неабходна для таго, каб дакладна разумець, што і ад каго могуць патрабаваць старшыні выканкамаў. Акрамя таго, прававое рэгуляванне паўнамоцтваў гэтай катэгорыі службовых асоб дазволіць пазбегнуць спрэчак наконт ведамаснай падпарадкаванасці і межаў кампетэнцыі. Аб гэтым гаварыў Прэзідэнт, гэта выдатна разумеюць і прадстаўнікі мясцовай улады, і выканаўчай, і заканадаўчай, бо, як правіла, выканкамы і саветы ў сваім рэгіёне разам вырашаюць пастаўленыя задачы, разам працуюць на развіццё тэрыторыі і дабрабыт людзей. З прадстаўнікамі заканадаўчай улады рознага ўзроўню карэспандэнты МС і пагутарылі аб гэтым.

На працягу пяці дзён прадстаўнікі рэгіянальнай грамадскай арганізацыі «Нацыянальна- культурная аўтаномія беларусаў Карэліі» наведваюць гістарычныя мясціны, знаёмяцца з культурай і прадпрыемствамі Беларусі, наладжваюць кантакты з беларускімі ўстановамі. Госці ўжо пабывалі ў мемарыяльным комплексе «Дзецям — ахвярам вайны» ў Жлобінскім раёне. Старшыня нацыянальна-культурнай аўтаноміі беларусаў Карэліі Святлана Барташэвіч перадала работнікам музея ў Чырвоным Беразе дыск з запісамі ўспамінаў яе маці, якая ў дзяцінстве таксама была ў канцлагеры. Уразіла нашых суайчыннікаў экскурсія па мемарыяльным комплексе «Ала». Пабывалі яны і ў памятнага знака, прысвечанага аперацыі «Баграціён», а ў Светлагорскі краязнаўчы музей прадстаўнікі дыяспары перадалі, сабраныя імі дакументальныя матэрыялы пра дзвюх удзельніц гэтай аперацыі — ураджэнак Беларусі і Расіі.

Чатыры гады запар раён лідзіруе ў рэспубліканскім конкурсе па добраўпарадкаванні І ўсё гэта дзякуючы Чэрыкаўскаму жылкамунгасу. Адметна, што Васіль Чарняцоў не толькі яго кіраўнік, ён яшчэ і дэпутат райсавета ад Інтэрнацыянальнай выбарчай акругі № 4. «А гэта вельмі дысцыплінуе і яшчэ да большага абавязвае», — адзначае суразмоўнік.

У нашай краіне на люты звычайна прыпадае пік захваральнасці на рэспіраторныя інфекцыі, у тым ліку і на грып. Засцерагчыся ад апошняга вельмі няпроста — гэта высокакантагіёзнае (заразнае) інфекцыйнае захворванне, ад якога штогод пакутуе ў сярэднім 10 % насельніцтва. Акрамя таго, грып зусім не бяскрыўдны: для дзяцей, пажылых людзей і тых, чый імунітэт аслаблены, інфекцыя вельмі небяспечная. Лячэнне грыпу нельга пускаць на самацёк.

Сёлета ў журы рэспубліканскага конкурсу харэаграфічнага мастацтва «Дэнс кангрэс», заснавальнікамі якога з’яўляюцца Міністэрства культуры нашай краіны і Беларускі дзяржаўны ўніверсітэт культуры і мастацтваў, пагадзіўся ўвайсці народны артыст Расіі Андрыс Ліепа разам з прадстаўнікамі Беларусі і Казахстана. Арганізатары клапоцяцца аб штогадовай ратацыі журы і скіраваныя на шырокі ўдзел харэографаў і артыстаў з розных рэгіёнаў Беларусі, падкрэсліла рэктар БДУКіМ Наталля Карчэўская. Конкурс пройдзе напрыканцы красавіка, але цяпер адбываецца адбор патэнцыяльных удзельнікаў па розных намінацыях.

Сёлета беларусам, чый гадавы даход перавысіў 200 тысяч рублёў, упершыню трэба будзе запоўніць дэкларацыі і падаць іх у падатковую. Пра гэта паведаміў начальнік Галоўнага ўпраўлення падаткаабкладання фізічных асоб Міністэрства па падатках і зборах Андрэй Кавалеўскі.