Навiны
У Палату прадстаўнікоў да трэцяй сесіі ўнесена ўжо 24 законапраекты
У Палату прадстаўнікоў да трэцяй сесіі ўнесена ўжо 24 законапраекты. Аб гэтым журналістам расказаў намеснік старшыні Палаты прадстаўнікоў Вадзім Іпатаў на пасяджэнні Савета Палаты прадстаўнікоў, перадае БелТА.
Беларусь наведвае дэлегацыя інданезійскіх парламентарыяў
Гэта працяг стратэгічнага дыялогу паміж краінамі, які атрымаў дынамічнае развіццё дзякуючы візіту Прэзідэнта Інданезіі ў Мінск у ліпені і візіту міністра замежных спраў Беларусі Максіма Рыжанкова ў Інданезію ў пачатку жніўня. Заканадаўчыя органы таксама адыгрываюць важную ролю ў працэсе ўсебаковага ўмацавання міждзяржаўных адносін. Пацвярджэнне гэтаму — сумеснае пасяджэнне рабочай групы Нацыянальнага сходу Рэспублікі Беларусь па супрацоўніцтве з парламентам Рэспублікі Інданезія і групы двухбаковага супрацоўніцтва Савета народных прадстаўнікоў Рэспублікі Інданезія з Нацыянальным сходам Рэспублікі Беларусь, якое адбылося ў Палаце прадстаўнікоў.
У склад новай камісіі Парламенцкага Сходу Саюза Беларусі і Расіі па захаванні і абароне гістарычнай памяці ўвойдуць шэсць беларускіх парламентарыяў
Намеснік Старшыні Палаты прадстаўнікоў Вадзім ІПАТАЎ у размове з журналістамі нагадаў, што падчас пасяджэння 68-й сесіі Парламенцкага Сходу Саюза Беларусі і Расіі, якое ў чэрвені адбылося ў Брэсце, было прынята рашэнне аб стварэнні Камісіі па захаванні і абароне гістарычнай памяці. Пытанне аб кандыдатах у гэту камісію з беларускага боку было разгледжана ў сераду падчас Савета Палаты прадстаўнікоў.
У Беларусі і Ірана добрыя перспектывы супрацоўніцтва
Гэтымі днямі Беларусь з візітам па запрашэнні Палаты прадстаўнікоў наведвае іранская парламенцкая дэлегацыя на чале з кіраўніком рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам Рэспублікі Беларусь Аліясгарам Багерзадэ.
Дэпутаты Палаты прадстаўнікоў усклалі кветкі да брацкай магілы ў мінскім парку імя Чалюскінцаў
Дэпутаты Палаты прадстаўнікоў на чале з намеснікам Старшыні Палаты прадстаўнікоў Вадзімам Іпатавым прынялі ўдзел у цырымоніі ўскладання кветак да брацкай магілы воінаў Савецкай арміі, падпольшчыкаў і мірных жыхароў, знішчаных нямецка-фашысцкімі захопнікамі ў 1941 — 1944 гадах, паведамілі ў прэс-службе ніжняй палаты парламента.
Савет Палаты прадстаўнікоў разгледзеў новыя задачы
Шэраг задач, якія Старшыня Палаты прадстаўнікоў Ігар Сергяенка паставіў перад парламентарыямі і супрацоўнікамі Сакратарыята Палаты прадстаўнікоў, звязаны з узмацненнем выканальніцкай дысцыпліны (у адпаведнасці з Дырэктывай Прэзідэнта № 11). Акрамя таго, абмеркаваны прапановы аб абнаўленні Дырэктывы Прэзідэнта ад 31 снежня 2010 года № 4 «Аб развіцці прадпрымальніцкай ініцыятывы і стымуляванні дзелавой актыўнасці ў Рэспубліцы Беларусь». Асобная ўвага на пасяджэнні была нададзена вывучэнню практыкі прымянення заканадаўства і ўзаемадзеяння з мясцовымі органамі ўлады, стварэнню Маладзёжнага савета пры Палаце прадстаўнікоў. Падрабязна абмеркаваны мерапрыемствы з удзелам дэпутатаў як унутры краіны, так і на знешнім контуры.
