Сеткавае выданне zviazda.by

У цёплым сезоне ў Мінску высадзяць не менш за 50 тыс. куставых руж, павялічаць колькасць кветак і на раздзяляльных палосах асноўных магістраляў. Пра гэта расказаў генеральны дырэктар УП «Мінскзелянбуд» Аляксандр Ермаловіч на нарадзе ў Мінгарвыканкаме, на якой абмяркоўваліся пытанні канцэпцыі азелянення горада ў маючым адбыцца вяснова-восеньскім сезоне, перадае БелТА.

Сезон фантанаў у Мінску завершыцца традыцыйна ў апошнюю пятніцу верасня, 26 чысла, паведамляе «Мінская Праўда».

Гарады «жывымі» самастойна не становяцца, гэта вынік працы многіх спецыялістаў па стварэнні новых рэкрэацыйных магчымасцяў. Па словах намесніка генеральнага дырэктара па добраўпарадкаванні і ўтрыманні аб’ектаў зялёнай гаспадаркі УП «Мінскзелянбуд» Кацярыны КАРОТКІНАЙ, нашы прадпрыемствы круглы год абслугоўваюць 158 сквераў, 28 бульвараў, 38 паркаў і лесапаркаў галоўнага мегаполіса краіны. Яна адзначыла, што ў іх падпарадкаванні знаходзіцца 10 паркаў, з іх чатыры — паркі культуры і адпачынку, якія абсталяваны атракцыёнамі. На гэтых тэрыторыях таксама вядзецца праца па змесце і замене атракцыёнаў на больш сучасныя і цікавыя. У горадзе дзейнічае 23 пляжы. Па словах эксперта, штогод праводзіцца комплекс мерапрыемстваў па добраўпарадкаванні тэрыторый: бягучае ўтрыманне, азеляненне і кветкавае афармленне. Высаджваецца больш як 30 тысяч дрэў і звыш 300 тысяч кустоў кожны год. Сёлета ў спрыяльны вясновы перыяд было пасаджана 24 тысячы дрэў і каля 130 тысяч кустоў.

Сёлета ў сталіцы адрамантуюць 16 фантанаў, расказаў генеральны дырэктар прадпрыемства «Мінскзелянбуд» Аляксандр Ермаловіч, паведамляюць «Минск-Новости».

Сезон фантанаў адкрыюць у сталіцы 25 красавіка, паведамляюць «Минск-Новости» са спасылкай на «Мінскзеленбуд».

Вясна ў самым разгары, а значыць, хутка адкрыюцца атракцыёны, дзе бацькі з дзецьмі змогуць актыўна бавіць вольны час. Як адзначыў намеснік генеральнага дырэктара — галоўны інжынер УП «Мінскзелянбуд» Руслан Касевіч, у гэтым сезоне атракцыёны ў парках сталіцы плануюць запускаць у залежнасці ад надвор’я.

У рамках работ па правядзенні Года добраўпарадкавання прадугледжана рэалізацыя 47 мерапрыемстваў і створаны рэспубліканскі штаб, расказала намеснік начальніка ўпраўлення біялагічнай і ландшафтнай разнастайнасці Міністэрства прыродных рэсурсаў і аховы навакольнага асяроддзя Людміла Барташэвіч. Пасяджэнні будуць праводзіць не радзей чым раз у квартал.

Азеляненне населеных пунктаў — адно з асноўных мерапрыемстваў, накіраваных на стварэнне і падтрыманне зручнага, бяспечнага, сучаснага і эстэтычна арганізаванага асяроддзя жыццядзейнасці людзей. У сталіцы гэтаму пытанню ўдзяляецца вялікая ўвага. А ў рамках аб’яўленага Прэзідэнтам Беларусі 2025-га Годам добраўпарадкавання такая работа будзе прадоўжана.