Наталля ХАМЕНКА, намеснік дырэктара нядзельнай школы:
— Халодная вясна лепш, гэта лагічна. Бо вясной растае снег, робіцца хлюпотна, мне гэта вельмі не падабаецца. А калі холадна, ёсць марозік, нічога такога не заўважаеш. Вясной слота, дажджы — усё ўперамешку. Уратаваць можа толькі холад, каб не было так брыдка пад нагамі. А восень ідзе пасля лета, яшчэ не гразка, дык навошта ж тут халады?..
Сафія СГАЯН, повар:
— Лепш халодная восень, таму што вясной павінна быць цёпла. Восень у мяне асацыіруецца з дажджамі і холадам. Калі ж восень залатая, хочацца, каб было не так зімна (градусаў 16—17 цяпла). Калі ж яшчэ паразважаць, то лепш ужо няхай вясна будзе халоднай: усё роўна потым надыдзе лета, можна будзе пагрэцца. А восенню трываць не даводзіцца, бо пасля будзе яшчэ больш холадна.
Міла КАСТРАВАЯ, дырэктар вясельнага агенцтва:
— Зразумела ж, лепш халодная вясна, чым восень. Бо якая б вясна ні была, ты яе ўсё адно чакаеш. Сёлета вясна была жудасная, з буранамі. Мы на аўтобусе захраслі ў сумётах, калі вярталіся з Кіева ў Мінск. А нам так хацелася ўжо апрануць сукенкі, абцасы. Восенню ж няхай сабе будзе холадна, акрамя залатой восені, бо гэта асаблівы час, калі хочацца, каб было цёпла. Я сама з Пінска — гэта вельмі зялёны горад. А восенню ён робіцца залатым зверху, залатым знізу, а паміж усім гэтым — блакітнае неба.
Падрыхтавала Ніна ШЧАРБАЧЭВІЧ.
Сумесныя праекты ядзерных тэхналогій.
