Практыка паказвае, што стварэнне Дзяржаўнага камітэта судовых экспертыз апраўдала сябе. Такое меркаванне выказаў першы намеснік кіраўніка Адміністрацыі Прэзідэнта Беларусі Аляксандр Радзькоў падчас наведвання камітэта, паведамляе БелТА.
Дзяржкамітэт судовых экспертыз пачаў дзейнасць з 1 ліпеня 2013 года. Ужо цяпер можна гаварыць аб станоўчым эфекце — павелічэнні аператыўнасці правядзення экспертыз, іх якасці. Сваю ролю адыграла тое, што камітэт аб'яднаў патэнцыял усіх судовых экспертаў, паколькі быў утвораны на базе экспертных падраздзяленняў органаў унутраных спраў, органаў і падраздзяленняў па надзвычайных сітуацыях, Узброеных Сіл, Міністэрства юстыцыі, а таксама Дзяржаўнай службы медыцынскіх судовых экспертыз, падкрэсліў Аляксандр Радзькоў.
Першы намеснік кіраўніка Адміністрацыі Прэзідэнта пабываў у лабараторыях дзяржкамітэта, сустрэўся з яго асабовым складам. Аляксандр Радзькоў звярнуў увагу на вялікую адказнасць, якая ўскладзена на спецыялістаў. Яны выконваюць адну з найважнейшых дзяржаўных задач — забяспечваюць прававую абароненасць грамадства, падаючы судам, праваахоўным органам якасна падрыхтаваную доказную базу. «Яны шмат у чым забяспечваюць упэўненасць чалавека ў тым, што калі ён мае рацыю, паводзіць сябе як годны грамадзянін, то ён у бяспецы», — адзначыў першы намеснік кіраўніка Адміністрацыі Прэзідэнта.
Гаворачы аб асабістых якасцях, якія павінны быць уласцівыя супрацоўнікам дзяржкамітэта, Аляксандр Радзькоў назваў высокі ўзровень прафесіяналізму і грамадзянскай адказнасці. «Тут павінны быць найбольш падрыхтаваныя афіцэры. Грамадзяне высокай пробы. На выніках іх працы грунтуецца абвінавачванне ці абарона. Часта за імі вырашэнне лёсу чалавека. Яны павінны гэта разумець, быць да гэтага падрыхтаванымі, быць адпаведным чынам выхаванымі», — падсумаваў першы намеснік кіраўніка Адміністрацыі Прэзідэнта.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?