Супраць дваіх жыхароў Рэчыцкага раёна завялі крымінальную справу па артыкуле аб забойстве. Як паведаміў начальнік упраўлення крымінальнага вышуку УУС Гомельскага аблвыканкама Віктар Чыкуноў, 16 лютага ў міліцыю з заявай аб знікненні дачкі звярнулася 45‑гадовая жанчына. Дзяўчына двума днямі раней вечарам сышла з дому і не вярнулася.
Супрацоўнікі Рэчыцкага РАУС ва ўзаемадзеянні з калегамі з упраўлення крымінальнага вышуку УУС Гомельскага аблвыканкама па гарачых слядах выйшлі на аднаго знаёмага зніклай дзяўчыны. З ім 19‑гадовая рэчычанка сустракалася, але апошнім часам узаемаадносіны пагоршыліся. Аператыўнікі ўсталявалі дачыненне да знікнення дзяўчыны не толькі яе хлопца, але і яго сябра, якіх адразу ж затрымалі. Малады чалавек прызнаўся, што падгаварыў знаёмага дапамагчы ў расправе над дзяўчынай.
Хлопцы сустрэлі сваю ахвяру ў горадзе, а потым вывезлі яе ў лес, дзе моцна збілі. Пасля гэтага, спрабуючы схаваць сляды злачынства, яны прывязалі да дзяўчыны мяшок з камянямі і кінулі цела ў штучны лясны вадаём. Прызначаны судова-медыцынская і шэраг крыміналістычных экспертыз, праводзіцца комплекс следчых дзеянняў, накіраваных на ўсталяванне матываў злачынства.
Ірына АСТАШКЕВІЧ.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
