На працягу двух дзён у кастрычніку — 25-га і 26-га — у Віле-сюр-Мер, што ў Францыі, у фармаце вялікага кірмашу пройдзе свята марскіх грабеньчыкаў. Не абыдзецца там без дэгустацыі сыроў, якіх у гэтым краі — Нармандыі — выпускаецца каля трох дзясяткаў. Пакаштуеце і мякенькі анжэла, і блакітнаплесневы бандар, і белаплесневыя ўзоры бурсо і камамбера, а таксама бандон, брэн-дэ-пай, брыя-саварэн, бурсэн, нёшатэль, пон-л'эвек і — самы смак — ліваро з аранжавай скурачкай.
18 кастрычніка дворык замка Радзівілаў запрашае на вялікі археалагічны пікнік. Прамы рэпартаж з месца пошуку княскіх скарбаў, смачная ежа, шляхецкія забавы, прыемныя сюрпрызы і адпаведны настрой — усё ўключана.
Да 26 кастрычніка ў італьянскім Перуджа ладзіцца Eurochocolate. Назва гаворыць сама за сябе.
Танцавальны марафон у Амстэрдаме можна захапіць, калі апынуцца там да 21кастрычніка. Сапраўды, павінна ўразіць: 80 пляцовак, 300 падзей, 2000 дыджэяў. Але ў той самы час у Берліне — фестываль святла. Давядзецца выбіраць.
Фэст белых труфеляў (Сан-Маніята, Італія) у гэтым годзе пройдзе 8-9 лістапада. Ён уключае ў сябе майстар-класы па прыгатаванні страў, дэгустацыі, аукцыёны і кірмашы. Трэба ведаць, што белыя італьянскія труфелі ў значна большай ступені арыстакраты, чым чорныя французскія. Жанчын яны робяць пяшчотнымі, а мужчын — вельмі шчодрымі. Варта ўлічыць, што кошт труфеляў — 2 тысячы еўра за кілаграм.
Планетарый у парку Горкага запрашае ацаніць новую паслугу — назіранне ў тэлескоп у адкрытай пасля доўгага перапынку абсерваторыі. Пятнаццаціхвілінныя экскурсіі ў «храм неба» для груп па 8 чалавек праводзяцца ад 20.00 да 22.00 пры бясхмарным надвор'і.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?