Вы тут

Маладым спецыялістам — падтрымка


Святлана МЯКІШ, намеснік дырэктара Гродзенскага філіяла РУП «Белпошта»:

— Паколькі сёлета ў краіне Год моладзі, то і для нас гэтая тэма была адной з прыярытэтных. Мы прынялі ў калектыў 37 маладых спецыялістаў, якія цяпер працуюць аператарамі паштовай сувязі. Урачыста пасвячаем іх у паштовыя работнікі, праводзім з імі майстар-класы, трэнінгі па правільным аказанні паслуг і псіхалагічных аспектах працы з кліентамі. Гэта скіравана на тое, каб нашы маладыя калегі развіваліся як прафесіяналы, адпавядалі сучасным патрабаванням да паштавікоў.

Са сваімі кліентамі, а магчыма, і будучымі калегамі, мы сёлета сталі часцей сустракацца ў навучальных установах. Расказваем школьнікам пра паштовыя паслугі, папулярызуем даволі распаўсюджаны цяпер сярод моладзі рух посткросінгу.

У гэтым годзе аддзяленне паштовай сувязі адкрылі ў мікрараёне «Вішнявец» абласнога цэнтра. Адзначу і важную падзею, якая на мінулым тыдні адбылася ў Свята-Барыса-Глебскай (Каложскай) царкве. У храме прайшло рэгіянальнае гашэнне каляднай паштовай маркі з выявай славутага помніка праваслаўнага дойлідства ХІІ стагоддзя. Маркі былі выпушчаны ў абарачэнне Міністэрствам сувязі і інфарматызацыі, а паколькі РУП «Белпошта» ўваходзіць у Сусветны паштовы саюз, то яны будуць «падарожнічаць» па ўсім свеце.

Дарэчы, два гады таму мы падтрымалі ініцыятыву святароў храма і ўстанавілі там стылізаваную пад даўніну паштовую скрынку. Турысты, якія наведваюць гэтую беларускую святыню, могуць набыць канверт, паштоўку і непасрэдна з храма адаслаць яе ў любы пункт свету. Многія наведвальнікі Каложы ўжо скарысталіся такой магчымасцю.

Барыс ПРАКОПЧЫК

prakopchіk@zvіazda.by

Выбар рэдакцыі

Грамадства

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

Прадпрымальнікі запусцілі сацыяльную ініцыятыву, каб сэканоміць сродкі бюджэту, але вымушаны за гэта плаціць

На ўпарадкаванне пасля прыклееных паперак выдаткоўваюцца велізарныя сродкі.