Электронная база рэзюмэ выпускнікоў-радыёфізікаў запушчана ў Беларускім дзяржаўным універсітэце. Гэты праект скіраваны на стварэнне аптымальных умоў па пошуку маладымі спецыялістамі першага працоўнага месца і прадастаўленне працадаўцам магчымасці дэталёва пазнаёміцца з патэнцыяльнымі супрацоўнікамі.
База рэзюмэ разлічана ў першую чаргу на прадпрыемствы, якія ажыццяўляюць сваю дзейнасць у галіне радыётэхнікі, радыёэлектронікі, тэлекамунікацый і інфарматыкі.
Рэсурс складаецца з анкет пяцікурснікаў факультэта радыёфізікі і камп'ютарных тэхналогій, якія сёлета атрымаюць дыплом. Пры гэтым размяшчэнне заявак ажыццяўляецца па жаданні самога студэнта. Скарыстацца яго паслугамі могуць студэнты як бюджэтнай, так і платнай формаў навучання.
База штодня папаўняецца новымі рэзюмэ. Усе анкеты змяшчаюць апісанне навуковай дзейнасці, узровень валодання замежнымі мовамі, камп'ютарнымі і прафесійнымі навыкамі, а таксама дадатковую інфармацыю пра захапленні і хобі. Навігацыя сэрвісу дазваляе хутка азнаёміцца са звесткамі прэтэндэнтаў, а таксама падабраць кандыдата з улікам патрабаванняў наймальніка.
Ініцыятарам і распрацоўшчыкам базы рэзюмэ выступіў факультэт радыёфізікі і камп'ютарных тэхналогій (ФРКТ) БДУ.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?