«Лялькі і водар» ― такую назву атрымала прэзентацыя аўтарскіх цацак з эксклюзіўнымі пахамі, якая прайшла 3 лютага ў мастацкай галерэі «Дом карцін». Так выстава «Пахі жыцця. Цуды парфумерыі» пашырыла свой фармат.
Упершыню аўтарскія лялькі і цацкі "Тэдзі" набылі уласны водар. Ідэйныя натхняльнікі новага праекта ― беларускі дызайнер аўтарскіх лялек і ўбрання для дзяўчынак Ірына Сазановіч і парфумер Улад Рэкуноў — стваральнік персанальных водараў для Філіпа Кіркорава, Цімаці, Валерыя Меладзэ і іншых папулярных медыйных персон.
Любую выяву і рэч, на думку арганізатараў, можна суправадзіць унікальным водарам і, як вынік, настроем ― будзь гэта супакаенне кедра, пранікнёнасць сандала ці спакой малочных нотак, сакавітасць ажыны, эмацыянальная аўра ментола альбо глыбокі густ кітайскага дрэва.
У рамках прэзентацыі адбыўся паказ дзіцячай калекцыі адзення «Аліса». Дэбютнай працай Ірыны Сазановіч ужо паспелі захапіцца парыжане. На подыуме ― выхаванцы дзіцячай студыі мадэляў Kids podium.
Фота аўтара
Сумесныя праекты ядзерных тэхналогій.