Браканьер, затрыманы з тушай дзіка ў Клецкім раёне, як высветлілася, працуе ветэрынарным урачом.
— Каму, як не гэтаму спецыялісту ведаць, што нават у выпадку законнай здабычы такой жывёлы, яе туша павінна быць утылізаваная ў спецыяльна адведзеным месцы. Гэта прадпісвае асаблівы рэжым, уведзены для прафілактыкі АЧС у Беларусі, — расказала прэс-сакратар Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь Вольга Грамовіч. — Тым не менш, узяўшы з сабой таварыша, ветэрынар накіраваўся на незаконнае паляванне. Абодва мужчыны са стрэльбамі на тэрыторыі Клецкага лясгаса падстрэлілі сяголетка. Паляўнічых-нелегалаў затрымала рэйдавая група Нясвіжскай міжрайінспекцыі. Зараз кожнаму з парушальнікаў пагражае канфіскацыя зброі з немалым штрафам — да 21 мільёна рублёў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
