Вы тут

Два медалі — такі вынік чэмпіянату свету па фрыстайле ў Раўбічах


Двое выхадных запар Рэспубліканскі цэнтр алімпійскай падрыхтоўкі па зімніх відах спорту прымаў спаборніцтвы сусветнага ўзроўню. Услед за этапам Кубка свету па фрыстайле ў Раўбічах прайшоў юніёрскі чэмпіянат. За галоўныя прызы турніру змагаліся 30 лыжных акрабатаў з 7 краін свету, Беларусь была прадстаўлена максімальным лікам удзельнікаў — 8 спартсменаў.


Наша краіна вызначылася не толькі колькасцю, але і якасцю: Аляксандра Раманоўская па суме двух скачкоў змагла апярэдзіць галоўных канкурэнтак — расіянак — і выйграла залаты медаль. Годам раней Аляксандра ўжо станавілася чэмпіёнкай свету сярод юніёрак, а тыдзень таму беларуска была ўдастоена бронзавай узнагароды на дарослым этапе Кубка свету. Не падвялі і нашы хлопцы: Дзмітрый Мазуркевіч стаў сярэбраным прызёрам чэмпіянату, лепш за яго выступіў толькі расіянін Максім Бураў.

Добрым вынікам вызначыліся не толькі беларускія спартсмены, але і арганізатары спаборніцтваў. Гэта адзначыў спартыўны дырэктар лыжнага саюза Беларусі Канстанцін Грыбаў:

— Арганізацыя абодвух турніраў па фрыстайле ў Раўбічах прайшла на высокім узроўні, гэта падкрэслілі замежныя госці. Рэйс-дырэктар спаборніцтваў выказаў вялікую ўдзячнасць за якасць правядзення турніру і многія спадарожныя моманты. Парадавалі і заўзятары, якія, нягледзячы на халоднае надвор'е, дабраліся да месца спаборніцтваў і горача падтрымлівалі нашых спартсменаў. FІS пацвердзіў давер да якасці правядзення міжнародных стартаў па фрыстайле ў Беларусі, таму мы плануем праводзіць этап Кубка свету штогод.

Адзначым, што наступныя старты беларускіх лыжных акрабатаў адбудуцца ў сакавіку ў Швейцарыі, дзе пройдуць тры этапы Кубка Еўропы.

lobazhevich@zviazda.by

Загаловак у газеце: Перамагаць у паветры і на зямлі

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».