...Незвычайны фотаздымак убачыў я гэтымі днямі ў інтэрнэце. Пасажыр захопленага самалёта зрабіў «сэлфі» з тэрарыстам. Гэты фотааматар самазадаволена пазіраваў побач з «поясам смяротніка».
Што гэта? Недарэчны цынічны жарт ці новы светапогляд жыхароў Зямлі?
— Выдатнае «сэлфі»!
Шыкоўная справа —
Удвух з тэрарыстам ляцець!
Камусьці цікава за кубачкам кавы
На здымак такі паглядзець.
Было, калі «сэлфі» не ведалі людзі,
А верылі ў мудрасць старую:
Ні хлеба, ні долі ніколі не будзе
Усім, хто над ліхам жартуе.
Сузор'е бяды над планетай палае
І кроў на сцяжынцы зямной...
— Цікавы пейзаж!
Хто зазняцца жадае
На пару са смерцю сваёй?
Сумесныя праекты ядзерных тэхналогій.