Вы тут

Не лозунгі, а канкрэтныя справы


Задачы, пастаўленыя V Усебеларускім народным сходам (у эканоміцы гэта найперш тычыцца інвестыцый, стварэння новых рабочых месцаў, павелічэння экспарту) павінны выконвацца на ўзроўні не прыгожых слоў, лозунгаў, а канкрэтных праектаў. І няхай не ўсё атрымліваецца, але крок за крокам мы будзем рухацца наперад. Такую ўпэўненасць выказаў старшыня Гродзенскага аблвыканкама Уладзімір КРАЎЦОЎ.


У папярэдняй пяцігодцы было рэалізавана шмат праграм, дзе галоўным інвестарам з'яўлялася дзяржава. Аднак цяпер рэаліі іншыя і ўпор павінен рабіцца на прыватныя інвестыцыі, замежны капітал. У гэтым кірунку на Гродзеншчыне сёння ў стадыі падрыхтоўкі і выканання каля дзясятка буйных праектаў. У якасці прыкладу Уладзімір Краўцоў прывёў аўтамагістраль М-6, якая звязвае Гродна са сталіцай. Паводле апошняй інфармацыі, з Сусветным банкам — асноўным крэдыторам — узгоднены пытанні па выбары генеральнага падрадчыка і фактычна ўжо даецца старт будаўніцтву трасы, якая будзе адпавядаць самым сучасным патрабаванням. Гэтыя інвестыцыі (разам з кітайскім крэдытам — каля 0,5 мільярда долараў) трэба асвоіць прыкладна за два гады.

— Гэта і занятасць для вялікага сектара эканомікі, і развіццё транзітных магчымасцяў вобласці, лагістыка, экспарт паслуг, — зазначыў Уладзімір Краўцоў.

Яшчэ адзін цікавы, прарыўны праект ажыццяўляецца ў Гродне ў партнёрстве з айчынным інвестарам — Паркам высокіх тэхналогій. У ліпені завяршаюцца будаўнічыя работы і ў філіяле парка распачнецца ўстаноўка спецыяльнага абсталявання.

— Вось поле дзейнасці для таленавітай моладзі, дзе можна задзейнічаць свае веды, ідэі, стварыць прадукты, якія запатрабаваны і ў нас, і на знешніх рынках. Мяркую, што ўжо праз год будуць пазітыўныя вынікі, — лічыць старшыня аблвыканкама.

Яшчэ адна важная інвестыцыйная крыніца — удзел у праектах трансгранічнага супрацоўніцтва разам з нашымі польскімі і літоўскімі суседзямі. Неўзабаве стартуюць новыя праграмы, і да маючых адбыцца конкурсаў на атрыманне фінансавых грантаў у вобласці ўжо падрыхтавалі каля ста праектаў.

На думку Уладзіміра Краўцова, трэба актыўна задзейнічаць свае транзітныя магчымасці, турыстычны патэнцыял. Гэта тычыцца, у прыватнасці, беларуска-польскай прыроднай жамчужыны — Аўгустоўскага канала. Старшыня аблвыканкама паведаміў, што ўжо ў фінальнай стадыі работа па афармленні міжнародных працэдур, каб пагранічным пунктам пропуску «Рудаўка — Лясная» на канале маглі скарыстацца не толькі турысты-воднікі, але і пешаходы, веласіпедысты.

— Наступны крок — зрабіць гэты пункт пропуску бязвізавым. Відавочна, што турыстычныя патокі значна павялічацца. Тым больш што літаральна побач праходзяць два буйныя трансгранічныя веламаршруты. Шмат людзей па іх ездзіць, аднак пакуль міма нас. І мы павінны зрабіць так, каб яны ехалі праз нашу краіну і з задавальненнем трацілі свае грошы, карыстаючыся нашымі паслугамі, — лічыць Уладзімір Краўцоў.

У рэчышча не проста «дзяжурнага» пагаднення на паперы, а канкрэтных спраў паступова пераходзіць і супрацоўніцтва Гродзеншчыны з кітайскай правінцыяй Ганьсу. Кітайцы, напрыклад, купілі гасцініцу «Гродна». Акрамя таго, неўзабаве ў абласным цэнтры адкрыецца цэнтр традыцыйнай кітайскай медыцыны. А кітайская будаўнічая інвестыцыйная кампанія выказала намер узвесці у Гродне жылы масіў. Пастаўкі сваіх вырабаў у Кітай распачаў шклозавод «Нёман»...

prakopchіk@zvіazda.by

Фо­та Яра­сла­ва ВА­НЮ­КЕ­ВІ­ЧА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.