На возеры Белае ў Бярозаўскім раёне два непрацуючыя жыхары Белаазёрска цягам усёй ночы ўстанаўлівалі і перыядычна выцягвалі з вады сетку. У выніку ім удалося вылавіць у пэўным сэнсе рэкордную колькасць рыбы — 498 асобін. Гэта пры тым, што даўжыня сеткі складала ўсяго сем метраў.
— За адну незаконную рыбалку на адзін пагонны метр незаконнай сеткавай прылады яны здабылі 71 асобіну розных відаў рыбы. Прычым гаворка зусім не пра буйную, наадварот, дробную, чыя агульная вага склала 15 кілаграмаў, — расказалі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь. — За такое «дасягненне» браканьерам пагражае крымінальная адказнасць, а таксама пакрыццё нанесенай прыродзе шкоды ў памеры больш за 6,5 тысячы рублёў.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
