Пенсіянерка з Польшчы апынулася перад судом за тое, што падсыпала снатворнае ў ежу, а затым рабавала сваіх кавалераў, з якімі знаёмілася праз аб'явы для адзінокіх людзей, паведамляе BBC News. Слуханні па справе 80-гадовай Яніны М. праходзяць у горадзе Бжэска.
Паводле версіі следства, пажылая жанчына здзейсніла як мінімум два такія злачынствы. Апошняя ахвяра бабулькі — 78-гадовы пенсіянер, які пражываў у вёсцы Шчурава. Калі Яніна М. займела давер мужчыны, ён запрасіў яе ў госці. Там яна непрыкметна падмяшала яму ў талерку з ежай таблеткі «Ларазепам» і, дачакаўшыся, калі ён засне, скрала ў яго грошы, пярсцёнкі і мабільны тэлефон. Кошт скрадзенага агулам склаў каля дзвюх тысяч долараў. Калі суд прызнае жанчыну вінаватай, ёй можа пагражаць да 20 гадоў пазбаўлення волі. Раней пенсіянерка была дзевяць разоў судзімая за крадзяжы і махлярства.
Іван КУПАРВАС
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?