Пра гэта паведаміў намеснік начальніка аддзела прагназавання Сахалінскага навукова-даследчага інстытута рыбнай гаспадаркі і акіянаграфіі Анатоль Веліканаў.
"Выкід кальмара адбыўся ў раёне горада Вуглягорска (заходняе ўзбярэжжа вострава). Імі было абсыпана ўзбярэжжа ад вёскі Собалева да вёскі Парэчча (каля 20 кіламетраў)", - сказаў навуковец.
Ён растлумачыў, што гэта ціхаакіянскі, субтрапічны від кальмара, які вельмі цеплалюбны. Да Сахаліна ён падыходзіць у летні перыяд, калі вада ўжо добра прагрэтая і ёсць добрыя ўмовы для яго харчавання. Увосень ён пачынае міграцыю на поўдзень, жыве ў паўднёвай частцы Японскага мора ў зоне субтрапічных вод.
"Гэты від кальмара вельмі адчувальны да пахаладання вады, асабліва калі гэта адбываецца рэзка. Пры падыходзе цыклонаў у кастрычніку-лістападзе, якія бываюць раптоўнымі і хутка астуджаюць ваду (гэта можа быць на працягу некалькіх гадзін), кальмары такую тэмпературу не вытрымліваюць і гінуць", - растлумачыў Веліканаў.
Навуковец паведаміў, што такія з'явы неаднаразова ў апошнія гады назіраліся на заходнім узбярэжжы Сахаліна. У лістападзе 2013 года ў раёне Вуглягорска былі вялікія выкіды кальмараў. У мінулым годзе выкід гэтых малюскаў адбыўся ў раёне Александроўска-Сахалінскага.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.