У фестывалі, які праходзіць з 15 па 17 лістапада, удзельнічаюць прадстаўнікі 39 ВНУ — больш за тысячу студэнтаў. Падчас форуму яны змогуць абмеркаваць пытанні прафесійнай падрыхтоўкі, узаемадзеяння навучальных устаноў з вытворчасцю, пазнаёміцца са сваімі будучымі рабочымі месцамі. Удзельнікам раскажуць таксама пра парадак размеркавання і замацавання маладых спецыялістаў на першым месцы, гарантыі, якія ім прадастаўляюцца па калектыўных дагаворах, пра ролю прафсаюзных арганізацый на прадпрыемствах і ва ўніверсітэтах.
Адкрыўся форум студэнцкім самітам «Вектар росту», у якім прынялі ўдзел старшыня Федэрацыі прафсаюзаў Беларусі Міхаіл Орда і міністр адукацыі Міхаіл Жураўкоў. Мерапрыемства праходзіла ў фармаце адкрыта дыялогу.
— Такая камунікатыўная пляцоўка патрэбна, каб мы маглі пачуць прапановы ад моладзі, даведацца пра яе погляды, адказаць на пытанні, якія яе хвалююць, — кажа старшыня ФПБ Міхаіл ОРДА. — Самае галоўнае, каб у гэтай рабоце былі сумесныя дзеянні. Федэрацыя зацікаўлена, каб прафсаюзныя камітэты ў навучальных установах адпавядалі запытам, якія ёсць у студэнцкім асяродку.
Учора ўзнагародзілі 31 лаўрэата стыпендыямі ФПБ. Старшыня Маладзёжнага савета Федэрацыі Арцём ІГНАЦЕНКА адзначыў, што гэта стыпендыя ўручаецца ўпершыню. Каб яе атрымаць, студэнт павінен актыўна ўдзельнічаць у жыцці прафсаюза, навуковай дзейнасці, спорце і мець высокі сярэдні бал — не ніжэйшы за 8. Стыпендыя будзе выплачвацца на працягу дзесяці месяцаў. Для лаўрэатаў з ліку навучэнцаў устаноў прафесійна-тэхнічнай і сярэдняй спецыяльнай адукацыі гэта дзве базавыя велічыні штомесяц, для студэнтаў ВНУ — чатыры.
Сёння адкрыецца спецыяльны праект «Універсітэцкая серада», у рамках якога абітурыенты пазнаёмяцца з магчымасцямі ўніверсітэтаў. А заўтра ўдзельнікі форуму наведаюць буйныя прамысловыя прадпрыемствы краіны — «Атлант», «Белкамунмаш», Мінскі камвольны камбінат, фабрыкі «Элема», «Мілавіца».
Наталля ЛУБНЕЎСКАЯ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
