Вы тут

На аўдыенцыі ў Сакрата


У апошні дзень восені рэдакцыі часопісаў “Маладосць”, “Бярозка” і “Полымя” наведалі самы старажытны беларускі горад. Мэта вандроўкі – Полацкі дзяржаўны ўніверсітэт, ён жа – галоўнае ўражанне паездкі. Корпус стаіць на месцы колішняга іезуіцкага калегіума, і здаецца, што па старых калідорах з падлогай пачатку мінулага стагоддзя і па лесвіцах канца пазамінулага побач з сённяшнімі студэнтамі вось-вось з’явяцца прывіды шкаляроў калегіума ці кадэцкай вучэльні. Будынак уразіў гасцей неверагодна ўдалым спалучэннем мінуўшчыны і нашых часоў: недарма побач з гісторыкамі і філолагамі тут вучацца інфарматыкі. Відаць, плёнам іх супрацоўніцтва ёсць галоўная славутасць Полацкага ўніверсітэта – галава Мудрага Старца, філосафа Сакрата, што была калісьці адметнасцю і ў калегіуме. Падрабязней пра прыгоды Мудраца за шматгадовую гісторыю можна прачытаць у Яна Баршчэўскага, а вось пачуць ад яго адказы на самыя важныя пытанні нам пашчасціла адразу ж.

Падбадзёраныя правераным стагоддзямі розумам, прадстаўнікі рэдакцый сустрэліся са студэнтамі і супрацоўнікамі універсітэта, распавялі пра працу ў часопісах, заахвоцілі чытаць і друкавацца, а таксама падарылі невялікія сувеніры самым уважлівым слухачам і чытачам. Ігар Палынскі, полацкі журналіст, музыка, лідар гурта “Sumarok”, аўтар і герой публікацый у “Маладосці” падтрымаў выступоўцаў і падбадзёрыў слухачоў, выканаўшы некалькі песень.

Полацк мы пакінулі з адчуваннем, што дакрануліся да гісторыі ва ўсіх магчымых сэнсах; з планамі на плённае супрацоўніцтва з універсітэтам і з вялікім спадзяваннем вярнуцца сюды яшчэ раз.

Тэкст і фота Кацярыны Захарэвіч

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.