Вы тут

У Літве 23 снежня адзначаецца свята Блукаса



У гэты дзень яго, Блукаса, спаляць — як сімвал недавершаных спраў і няспраўджаных спадзяванняў. Блукас — стары пень, літаральна і метафарычна. Як толькі спаляць яго, закаціўшы папярэдне ў кожны двор, дык і Новы год неўзабаве прыйдзе. Бо толькі пасля спальвання Блукаса дзень пачынае павялічвацца, паварочваць на вясну, а з ёю, вясною, прыходзяць і новыя справы, і новыя спадзяванні. Хочаце трапіць на Свята Блукаса? Вам у літоўскую вёску.


Калядны кірмаш на Елагіным востраве ў Санкт-Пецярбургу адкрыецца заўтра і будзе працаваць да канца студзеня. Па-першае, варта наведаць тамтэйшы палац — ён шэдэўральны, па-другое, набыць сабе і родным рукавіц-шкарпэтак-шапак-шалікаў, звязаных рукамі з любоўю і радасцю, па-трэцяе, пакаштаваць імбірных пернікаў з гарачым глінтвейнам, па-чацвёртае, пакоўзацца на каньках, па-пятае, набыць сувеніраў і ўпрыгажэнняў для ялінкі. Нагодаў, інакш кажучы, хапае.


Тым, каго непакояць лаўры дабрака Санты настолькі, што хочацца яго замяніць, прапануюцца спецыяльныя майстар-класы. У Санту яны не ператвараюць, але вучаць запакоўваць падарункі так, як гэта робіць ён. Каб наведаць такі майстар-клас, трэба трапіць у Капенгаген да 31 снежня. Каго ў нас непакояць лаўры Санты?


Найлепшыя цацкі для ялінак — ручной работы. Найлепшыя ялінкавыя цацкі ручной работы — чэшскія. Найлепшыя з чэшскіх ялінкавых цацак ручной работы — выстаўленыя на калядным кірмашы ў старой Празе, на Старамесцкай плошчы. Вы спытаеце пра тамтэйшыя прысмакі. На Каляды ў Чэхіі выпякаецца шмат што — ад штоленаў-кексаў да пернічкаў і рагалікаў, усё ў навагоднім дызайне і смаку.


Кажуць, у Варшаве падчас навагодніх кірмашоў пах глінтвейну змешваецца з пахам цукру, падсмажанага спецыяльна для булачак, якія пякуцца літаральна на вачах у ласуноў. Кажуць, там яшчэ шмат рознага смачнага, і ад пагляду на гэтае смачнае душа ператвараецца ў суцэльнае карамельна-ванільна-мядовае (ёсць варыянты) шчасце. Можа, паехаць туды хоць на дзень? Булачкі з навагоднім настроем будуць пячыся да 8 студзеня. Месца — Рынкавая плошча.


Калядны кірмаш у Валькенбургу (Нідэрланды) не зусім звычайны. Гэта і кірмаш, і адначасова атракцыён. Ладзіцца не на плошчы, а літаральна ў пячоры, размешчанай пад руінамі замка. Вось чаго, здаецца, яшчэ не хапае душы, стомленай у пошуках прыгод пад Новы, 2017-ы, вельмі шчаслівы год.


 

Загаловак у газеце: Далёка і блізка

Выбар рэдакцыі

Грамадства

АЭС у Астраўцы гатова да імітацыі работы ядзернага рэактара

АЭС у Астраўцы гатова да імітацыі работы ядзернага рэактара

Першы энергаблок Беларускай АЭС гатовы на 95 %, другі — на 70 %. 

Грамадства

У Мінску прайшоў фінал ІV Рэспубліканскага конкурсу «Сям'я года»

У Мінску прайшоў фінал ІV Рэспубліканскага конкурсу «Сям'я года»

Самыя актыўныя і пазітыўныя шматдзетныя сем'і з усіх абласцей краіны сабраліся ў сталічным Палацы культуры прафсаюзаў.

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску.