«Сустрэча з майстрам» у галерэі Міхаіла Савіцкага, акцыя «Дзясятка – за Коласа!», Дзень абаронцы Айчыны на Лініі Сталіна і Масленіца ў Дудутках – афіша «Звязды» з 20 па 26 лютага.
Дзе: Мастацкая галерэя Міхаіла Савіцкага (пл. Свабоды, 15)
Калі: па 31 снежня, сер.-нядз.: 11:00-19:00
Колькі каштуе: удакладняць у касе
17 лютага ў Мастацкай галерэі Міхаіла Савіцкага адбылося адкрыццё выставачна-інтэрактыўнага праекта «Сустрэча з майстрам» і мерапрыемства «Вечар успамінаў», якія прысвечаны 95-годдзю з дня нараджэння Міхаіла Андрэевіча Савіцкага.
На выстаўцы прадстаўлены ўнікальныя жывапісныя і графічныя работы, кніжная ілюстрацыя, фотаматэрыялы, дакументы і асабістыя рэчы славутага мастака з фондавых калекцый Музея гісторыі горада Мінска. Многія з прадстаўленых работ экспануюцца ўпершыню і яшчэ шырэй раскрываюць шматгранны геній Міхаіла Савіцкага.
Дзе: Дзяржаўны літаратурны музей Якуба Коласа (вул. Акадэмічная, 5)
Калі: 21 лютага, 10:00
Колькі каштуе: па папярэднім запісе
21 лютага Дзяржаўны літаратурна-мемарыяльны музей Якуба Коласа запрашае далучыцца да музейнай акцыі «Дзясятка ‒ за Коласа!», прымеркаванай да Міжнароднага дня роднай мовы.
Удзельнікі акцыі павінны будуць напісаць дыктоўку па творах Якуба Коласа і вызначыць, з якога твора ўзяты ўрывак. Тыя, хто напішуць тэкст на дзесяць балаў і правільна назавуць твор, атрымаюць падзякі і памятныя сувеніры ад музея.
Акцыя праводзіцца на працягу дня з 10:00 да 17:00 па папярэднім запісе (тэл.: 284-17-02).
Дзе: Нацыянальны цэнтр сучасных мастацтваў Рэспублікі Беларусь (вул. Някрасава, 3)
Калі: 25-26 лютага, 11:00
Колькі каштуе: 10 р. – дарослыя, 5 р. – дзеці пасля 10 гадоў, дзеці да 10 гадоў – бясплатна
Тэма фестывалю – тата і яго роля ў далучэнні дзіцяці да чытання, мастацтва, творчасці.
На працягу двух дзён гасцей чакаюць займальныя творчыя майстар-класы, праца з прафесійнымі ілюстратарамі, інтэрактыўны кніжны маркет з падрабязнай кансультацыяй кожнага наведвальніка, тэатральныя і музычныя выступленні, прэзентацыі дзіцячых кніг, гульні, інтэрактыўны дзіцячы пакой, абсталяваны драўлянымі цацкамі, зала настольных гульняў для ўсёй сям'і.
Для бацькоў арганізаваны творчыя майстар-класы, а таксама зона адпачынку, у якой можна будзе паслухаць джаз.
Дзе: Лінія Сталіна
Калі: 25 лютага, 11:00
Колькі каштуе: 10 р. – дарослыя, 5 р. – дзеці
25 лютага ў гісторыка-культурным комплексе «Лінія Сталіна» пад Мінскам пры падтрымцы Міністэрства абароны Рэспублікі Беларусь будзе праведзена мерапрыемства, прысвечанае святкаванню «Дня абаронцаў Айчыны».
Арганізатары падрыхтавалі маштабную ваенна-гістарычную рэканструкцыю Вялікай Айчыннай вайны «Бітва за Маскву» і рэканструкцыю бою вайны ў Афганістане «Паўстанне ў лагеры Бадабер» з удзелам ваенна-гістарычных клубаў і баявой тэхнікі тых часоў.
Таксама ў гэты дзень на тэрыторыі комплексу адбудзецца прэм'ера мастацкага фільма прадзюсарскага праекта Сяргея Ждановіча «Сабака Руды». Стужка распавядае аб подзвігу сабак-знішчальнікаў танкаў падчас Вялікай Айчыннай вайны. Падзеі фільма адбываюцца ў 1941-1942 гадах пад Масквой.
У дадатак да асноўнай праграмы для наведвальнікаў будзе адкрыта некалькі інтэрактыўных зон: кожны зможа паспрабаваць свае сілы ў гістарычнай віктарыне, стральбе з пнеўматыкі і ў цікавых майстар-класах.
Дзе: Дудуткі
Калі: 25-26 лютага, 12:00
Колькі каштуе: удакладняць
У апошнія зімовыя выхадныя ў Дудутках усіх жадаючых чакаюць развітацца з зімой, сустрэць вясну, а таксама пазнаёміцца з традыцыйнымі святочнымі песнямі і танцамі, атрымаць асалоду ад «шляхецкіх забаў» у выглядзе стральбы з лука, гульняў і бітваў, праверыць сілу, спрыт і поспех на масленічным слупе з падарункамі.
Свята завершыцца спальваннем пудзіла Зімы і карагодам вакол вогнішча.
Першая тысяча гасцей атрымае бясплатны масленічны блінец.
Дзе: Музей прыроды і экалогіі Беларусі (вул. К. Маркса, 12)
Калі: па 10 сакавіка, 11:00-19:00
Колькі каштуе: 1, 50 р.
На выставе прадстаўлены дзесяткі кветак з усіх кантынентаў планеты, акрамя Антарктыды. Несумненна, больш за ўсё ўвагу прыцягваюць выхадцы з трапічных лясоў Цэнтральнай і Паўднёвай Амерыкі, Паўднёва-ўсходняй Азіі, Афрыкі, поўначы Аўстраліі.
У музеі падчас выставы можна будзе набыць любыя архідэі для хатняй калекцыі або ў падарунак.
Дзе: Нацыянальны цэнтр сучасных мастацтваў Рэспублікі Беларусь (пр-т Незалежнасці, 47)
Калі: па 11 сакавіка
Колькі каштуе: удакладняць у касе
У межах праекта «Што ў жаночай галаве?» адбудзецца выстава міні-тэкстылю «Сэрцайка мае», прысвячаная Дню закаханых. У ёй сэрца разглядаецца – як сімвал жыцця, пачуццяў, думак і мрояў. «Якое яно, маё сэрцайка? Чым хвалюецца? Чым клапоціцца? Чым супакоіцца?»
Асноўная ідэя ўсяго праэкту – паказаць жаночы свет вачыма жанчын з дапамогай лямцу – выразнага сродка сучаснага тэкстылю. Праект таксама садзейнічае ўзмацненню міжнарожных культурных сувязяў, падтрымлівае і развівае нацыянальныя традыцыі валяння.
Дзе: Музей прыроды і экалогіі (вул. Казінца, 117)
Калі: па 12 сакавіка, 10:00-18:00
Колькі каштуе: 1,50 р.
Наведвальнікі выставы змогуць пазнаёміцца з прадстаўнікамі птушынай фауны. Калі з крумкачамі, вераб'ямі і гракамі мы сутыкаемся практычна на кожным кроку, то вось поползня або дубаноса з першага погляду пазнае не кожны. Усяго на выставе прадстаўлена больш за 30 відаў птушак.
Выстава будзе цікавая як дзецям, так і дарослым. Юныя наведвальнікі выставы змогуць прыняць удзел у конкурсе дзіцячага малюнка.
Дзе: Нацыянальны мастацкі музей Рэспублікі Беларусь (вул. Леніна, 20)
Калі: па 31 мая (кожную сераду), 19:00
Колькі каштуе: 5 р., 2,50 р. – школьнікі, студэнты; можна набыць абанемент
ХХ стагоддзе апынулася насычаным падзеямі. Грамадскія сутыкненні, рэвалюцыі, супярэчнасці і навацыйныя ідэі – для Заходняй Еўропы гэты час стаў эпохай глабалізацыі і капіталізацыі, для рэспублік Савецкага саюза – у першую чаргу гісторыяй камуністычных ідэалаў, спароджанага ім сацыяльнага эксперыменту і эпахальнага краху.
У фокусе ўвагі Нацыянальнага мастацкага музея традыцыйна апынуцца мастацтвазнаўчая і культуралагічная праблематыкі.
Цыкл уяўляе сабой 18 аўтарскіх лекцый, падрыхтаваных супрацоўнікамі музея, а таксама запрошанымі даследнікамі.
Азнаёміцца з поўным спісам лекцый можна на сайце музея.
Дзе: Дом-музей I з'езда РСДРП (пр-т Незалежнасці, 31а)
Калі: па 31 сакавіка, 11:00-19:00
Колькі каштуе: удакладняць у касе
Любы эксперыментатар у «Музеі навукі», дзіця або дарослы, можа самастойна правесці свой уласны эксперымент, які апісвае той ці іншы закон фізікі або з'яву прыроды. За час, праведзены ў музеі, вы не зможаце вывучыць усю фізіку, але цікавасць да дакладных навук, цяга да ведаў абавязкова з'явіцца.
На выставе знаходзяцца экспанаты, з якімі можна і трэба ўзаемадзейнічаць, даследаваць, разгадваць галаваломкі.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
