У сталіцы затрымалі раней судзімага 22-гадовага мінчаніна, які, вырабіўшы дублікат ключоў, пранік у кватэру па вуліцы Кальварыйскай, дзе ўкраў грашовыя сродкі ў суме 3,1 тысячы долараў.
У міліцыю звярнулася жанчына з заявай аб крадзяжы валюты. Яны — 9 тысяч долараў — ляжалі ў сумачцы ў шафе аднаго з пакояў. Заяўніца літаральна гадзіну адсутнічала дома, а калі вярнулася, заўважыла, што ўваходныя дзверы зачынены на адзін абарот ключа. Жанчына добра памятала, што зачыняла замок на тры абароты, паведамілі ў Цэнтральным РУУС. Гэта падалося гаспадыні падазроным, яна вырашыла праверыць грошы і выявіла недахоп.
Міліцыя ўстанавіла, што іх украў 22-гадовы сужыцель пляменніцы ўладальніцы жылля. Малады чалавек ведаў пра грошы. Ён узяў ключы сына гаспадыні і зрабіў дублікат. У падазраванага канфіскавалі грошы, з якіх ён 400 долараў паспеў патраціць. Раней хлопец быў судзімы за аналагічнае злачынства.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
