25 красавіка, серада

Вы тут

БДУ ўвайшоў у пяцёрку найлепшых


Беларускі дзяржаўны ўніверсітэт увайшоў у пяцёрку найлепшых сярод ВНУ краін Усходняй, Цэнтральнай Еўропы і СНД у рэйтынгу QS World University Rankings 2017/2018.


Фота: kudapostupat.by

Вядомае брытанскае рэйтынгавае агенцтва Quacquarelli Symonds на аснове нядаўна апублікаванага рэйтынгу QS World University Rankings 2017/2018 падрыхтавала зводны спіс лепшых універсітэтаў для розных рэгіёнаў. Беларускі дзяржаўны ўніверсітэт заняў высокае пятае месца ў рэгіёне, які ахоплівае Усходнюю, Цэнтральную Еўропу і краіны СНД. На першай пазіцыі размясціўся Маскоўскі дзяржаўны ўніверсітэт імя М.Ламаносава, за ім ідуць Казахскі нацыянальны ўніверсітэт Аль-Фарабі, Карлаў універсітэт (Чэхія) і Тартускі ўніверсітэт (Эстонія). 

У дадзены спіс уключаны па адной лепшай ВНУ ад кожнай з больш як 80 краін, універсітэты якіх былі прадстаўлены ў рэйтынгу. Поўная версія дадзенага спісу.

Нагадаем, што 8 чэрвеня 2017 года вядомае брытанскае рэйтынгавае агенцтва Quacquarelli Symonds апублікавала чарговы рэйтынг лепшых універсітэтаў свету QS World University Rankings 2017/2018. Белдзяржуніверсітэт значна палепшыў свае пазіцыі ў сусветнай навукова-адукацыйнай прасторы, падняўшыся на 20 пазіцый, і заняўшы 334 агульнае месца.

Варта таксама адзначыць, што БДУ паказвае высокія пазіцыі і ў іншых вядомых сусветных рэйтынгах (THE, Webometrics, SIR, U-Multirank і інш.), стабільна трапляючы ў 2 працэнта лепшых універсітэтаў з улікам таго, што ўсяго ў свеце налічваецца больш як 30 000 ВНУ.

Надзея НІКАЛАЕВА

Дадаць каментар

Выбар рэдакцыі

Грамадства

Хто і як тэсціруе атракцыёны пасля зімы?

Хто і як тэсціруе атракцыёны пасля зімы?

Карэспандэнт «Звязды» адправіўся ў мінскі парк імя Горкага, дзе якраз правяралі знакамітае кола агляду.

Грамадства

У Нясвіжы за экалогію змагаюцца рублём

У Нясвіжы за экалогію змагаюцца рублём

І выхоўваюць ужо другое пакаленне сяброў прыроды.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Расказваем пра перамогу нашых тэнісістак над Славакіяй у плэй-оф Кубка Федэрацыі, чарговы поспех беларускага баксёра на міжнародным рынгу.