Вы тут

Кадры з новага докфильма "Першадрук" ўвойдуць у кнігу пра Скарыну


Кадры з фільма "Першадрук" рэжысёра Ігара Чышчэні, які зняты на Нацыянальнай кінастудыі "Беларусьфільм" у 2017 годзе, увойдуць у выданне пра Францыска Скарыну, паведамілі на кінастудыі.


Нацыянальная бібліятэка Беларусі рыхтуе дапоўненае ілюстраванае выданне "Асветнік з Полацка. Ушанаванне Францыска Скарыны", прысвечанае Скарыну і прымеркаванае да 500-годдзя беларускага кнігадрукавання.

Першы наклад кнігі выйшаў у канцы 2016 года. У выданні вобраз Скарыны прадстаўлены ў розных відах мастацтва: выяўленчым, музычным, тэатральным, кінавідэамастацтва. У якасці ілюстрацый выступаюць вокладкі выданняў - навуковых, навукова-папулярных, твораў мастацкай літаратуры, прысвечаных дзейнасці Скарыны; фота розных артэфактаў (маркі, канверты, значкі, медалі і г.д.), а таксама тапаніміка, фота асобных акцый і мерапрыемстваў, звязаных са Скарынам.

Кінавідэамастацтва прадстаўлена мастацкім фільмам "Я, Францыск Скарына" ( "Беларусьфільм", 1969 год, рэжысёр Барыс Сцяпанаў) і анімацыйным "Будзьма беларусамі", створаным незалежным рэжысёрам Юліяй Рудніцкай.

Першае выданне кнігі "Асветнік з Полацка. Ушанаванне Францішка Скарыны" выйшла абмежаваным накладам і аб'ёмам. Другое складальнікі вырашылі дапоўніць новымі фактамі і падзеямі, у тым ліку некалькімі кадрамі з фільма "Першадрук".

Як паведамлялася раней, дакументальны фільм (аўтар сцэнарыя Уладзімір Мароз) прысвечаны адной з самых яркіх асоб у гісторыі Беларусі - Францыску Скарыну і прымеркаваны да 500-годдзя беларускага кнігадрукавання. Карціна здымалася на тэрыторыі чатырох краін: у Беларусі (Мінск, Полацк, Вілейка), Польшчы (Кракаў), Чэхіі (Прага) і Расіі (Санкт-Пецярбург). Гэтая карціна паказвае жыццёвы шлях беларускага першадрукара, прапануе прайсці яго дарогамі. Паказ карціны запланаваны на Дні беларускага пісьменства, які пройдзе ў першыя дні верасня ў Полацку.

БЕЛТА

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.