Паліцыя амерыканскага штата Фларыда заклікала мясцовых жыхароў, якія сабраліся сустрэць ураган «Ірма» стрэламі, адмовіцца ад гэтай задумы, растлумачыўшы, што такім чынам можна пагоршыць сітуацыю. Паведамленне было апублікавана ў Твітары паліцэйскага ўпраўлення акругі Паска.
«Вы не павернеце яго, да таго ж гэта прывядзе да вельмі небяспечных пабочных эфектаў», — адзначаецца ў посце. Раней жыхар Фларыды Раян Эдвардс стварыў у Фэйсбуку сустрэчу пад назвай «Застрэлім ураган «Ірма». Яна была запланаваная на 10 верасня ў 10 гадзін па мясцовым часе. На момант публікацыі навіны 26 тысяч чалавек заявілі, што пойдуць на мерапрыемства, 53 тысячы адзначылі, што цікавяцца, некаторыя пыталіся, ці можна кідацца ў «Ірму» падушкамі.
9 верасня ўраган «Ірма» абрынуўся на Кубу, пазней і на ЗША. Раней ён прайшоўся над Пуэрта-Рыка і астравамі.
Іван КУПАРВАС
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.