Знаёмцеся, на здымку — Янка Джэйгала, для якога Беларусь такая ж радзіма, як і Індыя. «Нашаму сыночку няма яшчэ і годзіка, — пішуць бацькі хлопчыка Ягор і Ніці, — але яго хлебам ні кармі, дай пасядзець на пярэднім крэсле машыны і патрымацца за руль. Прычым робіць гэта з такім сур'ёзным выразам твару, быццам зараз завядзецца ды паедзе. Днямі на міні-рынку, што паблізу нашага лецішча, мы «спаткалі» трактар «Беларус». Такую «экзатычную машыну» Янка бачыў упершыню. Шчасцю не было межаў, калі яму дазволілі паруліць!»
Якраз супала, што ў гэты дзень хлопчык быў у вышымайцы, якую любімаму ўнучку падарылі беларускія бабуля і дзядуля (Ягоравы маці з татам). Вось так экспромтам і атрымаўся гэты здымачак — беларусіка на «Беларусе».
Шаноўныя мамы і таты, бабулі і дзядулі! Шчыра запрашаем вас прыняць удзел у конкурсе «Беларусікі». Дасылайце здымкі вашых дзетак, унукаў, а можа, нават і праўнукаў (з невялічкім аповедам) на адрас «Звязды». Але адна ўмова — каб, зірнуўшы на фота, адразу ж можна было зразумець, што гэта беларусік. Арыгінальнасць і творчы падыход вітаюцца! Аднаго з герояў, якога мы ўбачым на здымках, чакае прыз!
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
