21 Люты, серада

Вы тут

Каманда Беларусі вярнулася з 44-га чэмпіянату WorldSkills


У Абу-Дабі завяршыўся 44-ы чэмпіянат прафесійнага майстэрства WorldSkills. У ім удзельнічалі больш за 1200 канкурсантаў з 59 краін. У агульнакамандным рэйтынгу, у якім былі адзначаны 57 краін-удзельніц, Рэспубліка Беларусь заняла 16 месца.


Наша каманда выступала па 27 кампетэнцыях у шасці прафесійных напрамках. 

Медаль выдатніка ў намінацыі "цырульнае мастацтва" заваявала выпускніца Брэсцкага дзяржаўнага каледжа сферы абслугоўвання Надзея КАШЦЯЛЯН.

Высокім вынікам дзяўчына абавязана сваім педагогам: у каледжы яна праходзіла навучанне пад кіраўніцтвам Марыны Булдык і Любові Злобіч, а яе трэнерам-экспертам з'яўляецца дырэктар салона-цырульні Наталля Крылова.

Трэба зазначыць, што сёлета патрабаванні да ўдзельнікаў спаборніцтваў істотна ўзраслі: каб заваяваць медаль выдатніка, неабходна было набраць у асабістым заліку 700 балаў, тады як у Бразіліі ў 2015-м - толькі 500. Большасць удзельнікаў беларускай каманды атрымалі звыш 650 балаў, прычым аднаму з іх да пераможнай медалі не хапіла ўсяго трох балаў.

Таксама нашу краіну прадстаўлялі ў Абу-Дабі 27 трэнераў-экспертаў, якія напярэдадні атрымалі міжнародныя сертыфікаты. Наяўнасць такога сертыфікату дае ім магчымасць уносіць свае прапановы пры распрацоўцы праграм будучых міжнародных спаборніцтваў прафесійнага майстэрства.

Міжнародныя эксперты - прадстаўнікі Еўрапейскай камісіі і WoldSkills Europe -- адзначылі высокі ўзровень падрыхтоўкі спецыялістаў у Беларусі.

Чэмпіянат WorldSkills - добрая пляцоўка, якая прадстаўляе шырокія магчымасці для абмену вопытам, доступу да найноўшых тэхналогій, а ў перспектыве - для развіцця айчыннай сістэмы прафесійнай адукацыі і правядзення нацыянальных чэмпіянатаў.

Надзея НІКАЛАЕВА

Дадаць каментар

Выбар рэдакцыі

Грамадства

Чаму багаж ведаў без умення іх прымяніць — гэта чамадан без ручкі?

Чаму багаж ведаў без умення іх прымяніць — гэта чамадан без ручкі?

Каля 6 тысяч беларускіх падлеткаў з больш чым 220 устаноў адукацыі ўпершыню прымуць удзел у Міжнароднай праграме па ацэнцы адукацыйных дасягненняў.

Грамадства

100 гадоў на варце міру

100 гадоў на варце міру

23 лютага Узброеныя Сілы Беларусі адзначаюць 100-гадовы юбілей. 

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.