У Кеніі адкрыўся пяцізоркавы гатэль, які імітуе птушынае гняздо

У Кеніі адкрыўся пяцізоркавы гатэль Nay Palad, які імітуе птушынае гняздо, паведамляе партал VІVA.

Будынак узвялі на востраве Сегера ў Лайкіпіі — адным з самых папулярных месцаў для сафары ў краіне. Гатэль быў цалкам пабудаваны з другаснай сыравіны. Пры яго стварэнні выкарыстоўвалася адпрацаваная драўніна і галіны дрэў. Пры гэтым унутры створаны ўсе ўмовы для камфартабельнага знаходжання. Адзіны нумар гасцініцы абсталяваны ванным пакоем і прыбіральняй. Госці могуць адпачыць як на ложку ўнутры памяшкання, так і на даху будынка. Кошт пражывання складае 1150 долараў у суткі, у яго ўваходзіць харчаванне і шампанскае.