Вы тут

Што вядома пра тэракт у егіпецкай мячэці?


Што адбылося?


У пятніцу тэрарысты на двух джыпах пад'ехалі да самай буйной на поўначы Сіная мячэці эр-Роўда, размешчанай недалёка ад цэнтра правінцыі, - горада эль-Арыш.

Злачынцы дачакаліся заканчэння малітвы, затым некалькі чалавек уварваліся ўнутр і падарвалі выбуховае прыстасаванне. Іншыя чакалі перапалоханых людзей на вуліцы з аўтаматычнай зброяй. Як распавядаюць відавочцы, мусульман, якія выбягалі ў паніцы, расстрэльвалі на парозе мячэці.

Злачынцы адчувалі сябе цалкам ўпэўнена, паколькі нікуды не спяшаліся, а пасля з'яўлення на месцы трагедыі машын хуткай дапамогі яны пачалі страляць і па медыках.

Колькі чалавек пацярпела?


Ахвярамі сталі 305 чалавек, пацярпелі 128.

Фота: rbc.ua

Хто вінаваты?


Ні адна з дзеючых у Егіпце экстрэмісцкіх груповак не ўзяла на сябе адказнасць за тэракт.

Як адрэагавалі ўлады?


Сілы бяспекі Егіпта падчас ваеннай аперацыі ліквідавалі 30 тэрарыстаў.

У цяперашні час вядзецца пошук трэніровачных лагераў экстрэмістаў, дзе вялася падрыхтоўка да ажыццяўлення тэракту. На поўначы і ў цэнтральнай частцы Сінайскага паўвострава праводзіцца спецаперацыя "Помста за пакутнікаў". Задзейнічана баявая авіяцыя, у тым ліку беспілотныя лятальныя апараты.

Фота bbc.com

Сітуацыя ў правінцыі нармалізаваная і кантралюецца вайскоўцамі і сіламі МУС, паліцыя размешчана ў раёне міжнароднай аўтатрасы, узмоцнена ахова ўсіх мячэцяў, цэркваў, дзяржустаноў.

У краіне абвешчана агульнанацыянальная трохдзённая жалоба.


Парламент Егіпта збярэцца 27 лістапада на экстраннае пасяджэнне ў сувязі з тэрактам.

Як заявіў дэпутат Палаты прадстаўнікоў Мухамед Шэрыф, "на сустрэчы будзе абвешчана аб падтрымцы парламентам крокаў палітычнага кіраўніцтва краіны па выкараненні тэрарызму і пацвярджэнні асноватворнаа пастулату, згодна з якім нацыянальная бяспека Егіпта - вышэй за ўсё".

Акрамя таго, паводле яго слоў, на пасяджэнні будзе абмяркоўвацца законапраект аб АЭС. "Нягледзячы на ​​злачынную руку тэрарызму, Егіпет рухаецца наперад, і тэрарысты не змогуць перашкодзіць рэалізацыі прагрэсіўных праектаў, а толькі ўмацуюць яго рашучасць будаваць і развівацца", - адзначыў Шэрыф.


Прэзідэнт Егіпта Абдэль Фатах ас-Сісі распарадзіўся пабудаваць мемарыял у памяць пра ахвяраў найбуйнейшага ў гісторыі краіны тэракту.

Тэрміны і месца ўзвядзення мемарыяла пакуль не ўдакладняюцца. Акрамя таго, кіраўнік дзяржавы даў указанне кабінету міністраў выдзеліць сем'ям загінулых па $11 тыс. у якасці матэрыяльнай кампенсацыі.

Як адгукнулася сусветная супольнасць?


Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні Прэзідэнту Егіпта Абдэль Фатаху Саіду Хусэйну Халілу аль-Сісі, сем'ям і блізкім загінулых і параненых.

"Гэта трагедыя - агульны боль не толькі для народа Егіпта, але і для ўсяго цывілізаванага чалавецтва. Яна яшчэ раз пацвярджае неабходнасць паслядоўнай і бязлітаснай барацьбы супраць тэрарыстаў, якія не паважаюць прынцыпы гуманізму", - гаворыцца ў спачуванні.

Аляксандр Лукашэнка пажадаў пацярпелым хутчэйшага выздараўлення, а Егіпту - міру і спакою.

© Stringer/Anadolu Agency/Getty Images

Эмір Кувейта шэйх Сабах аль-Ахмед аль-Джабер ас-Сабах выказаў спачуванні прэзідэнту Егіпта і падкрэсліў, што тэрарыстычны акт "супярэчыць ісламу" і "чалавечым каштоўнасцям".

Дональд Трамп назваў атаку подлым і жахлівым актам тэрору і заклікаў "падарваць экстрэмісцкую ідэалогію, якая стварае аснову для іх [тэрарыстаў] існавання".

У Дзярждэпартаменце назвалі атаку "неймаверным актам зла".

Генеральны сакратар ААН Антоніу Гутэрыш выказаў "самыя глыбокія спачуванні сем'ям ахвяр, ураду і народу Егіпта" і заклікаў прыцягнуць да правасуддзя адказных за гэтую "жахлівую атаку".

З асуджэннем тэракту выступілі Папа Рымскі Францыск, старшыня КНР Сі Цзіньпін, прэзідэнт Расіі Уладзімір Пуцін, кіраўнік Чачні Рамзан Кадыраў, прэзідэнт Казахстана Нурсултан Назарбаеў, прэзідэнт Азербайджана Ільхам Аліеў, прэм'ер-міністр Канады Джасцін Трудо, кіраўнік дыпламатыі Еўрасаюза Федэрыка Магерыні і кіраўнік Еўракамісіі Жан-Клод Юнкер.

ria.ru, БЕЛТА, ТАСС, ВВС

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.