26 Верасень, серада

Вы тут

Чым здзівіць «Славянскі базар у Віцебску» сёлета?


У дырэкцыі самага маштабнага на постсавецкай прасторы фэсту расказалі пра тое, чым здзівіць XXVІІ Міжнародны фестываль мастацтваў «Славянскі базар у Віцебску». Ён пройдзе з 12 па 16 ліпеня. Дадатковыя мерапрыемствы, як і заўсёды, запланаваны да адкрыцця і пасля закрыцця.


Кустурыца прыедзе. А Белучы?

Напэўна, многія могуць запытаць: ну што новага можна на «Базары» ўбачыць? За столькі гадоў каго толькі з артыстаў і калектываў там не было! Высветлілася, што сёлета рыхтуюцца прыняць «базарных навічкоў», але ж якіх!

У прыватнасці, у Летнім амфітэатры ўпершыню пацешаць публіку Эмір Кустурыца і яго «The No Smokіng Orchestra» («Аркестр, які не курыць»), музыкант і кампазітар Горан Брэгавіч з «The Weddіng & Funeral Band» («Вясельны і пахавальны аркестр»). Цікава, што спадар Кустурыца возьме ўдзел у паказе свайго фільма «На млечным шляху». У карціне, як вядома, знялася Моніка Белучы. Зразумела, прыхільнікі яе творчасці і прыгажосці былі б рады і яе прыезду...

Раней ніколі не выступаў у Віцебску і рок-гурт «Мумій Троль», які, безумоўна, збярэ поўную залу галоўнай канцэртнай пляцоўкі.

Кіраўнік дырэкцыі фестывалю Аляксандр СІДАРЭНКА на прэс-канферэнцыі перыядычна інтрыгаваў і «адбіваўся» ад назойлівых пытанняў наконт таго, хто яшчэ з зорак будзе ўдзельнічаць у фэсце. З таямнічай усмешкай падкрэсліваў, што «сюрпрызы будуць». Маўляў, усё раскажа, але не сёння...

Даўно чакаюць цыркачоў

Добра, што ў арганізатараў заўсёды шмат цікавых ідэй, яны адкрытыя і для прапаноў. У прыватнасці, прапрацоўваецца магчымасць правесці цыркавы міні-фестываль.

Чацвёрты раз правядуць фестываль вулічнага мастацтва «На сямі вятрах». І зноў на вуліцах і плошчах Віцебска адбудуцца інтэрактыўныя праекты вулічных тэатраў, музыкантаў, перформераў, артыстаў і лялечных тэатраў . Дарэчы, у гэтым годзе першы маленькі — пяцігадовы — юбілей у праекта «Лялечны квартал».

Больш стане падзей і падчас традыцыйнага «Дня моладзі». Эпіцэнтр гэтага праекта — плошча Перамогі. Там плануюць арганізаваць тое, чаго раней не было, значна пашырыцца геаграфія ўдзельнікаў.

Падары «Базар» блізкім!

З 1 лютага пачаўся продаж падарункавых сертыфікатаў наміналам у 10, 20, 30, 50 і 100 беларускіх рублёў. Абмяняць іх на білеты можна будзе з 23 лютага па 18 ліпеня. Як разважае дырэктар фэсту, сертыфікаты, бадай, — самы лепшы падарунак каханым, родным, бо тыя змогуць самі выбраць нешта для прыемных уражанняў.

Рэалізацыя білетаў на праекты фестывалю будзе праходзіць у тры этапы. Першыя паступяць у продаж 23 лютага. Старт другога этапу продажу білетаў на ўсе праекты ў Летнім амфітэатры запланаваны на 23 сакавіка. На трэцім этапе — білеты на праекты на іншых фестывальных пляцоўках. Дата будзе агучана дадаткова.

Пра падрабязнасці таго, якім будзе фестываль, «Звязда» яшчэ раскажа. Нагадаю, што Віцебск — сталіца фестываляў. І сёлета, працягваючы традыцыю супрацоўніцтва, плануецца правесці ІV Міжнародную канферэнцыю «Фестывальны рух. Традыцыі і інавацыі».

Аляксандр ПУКШАНСКІ

Загаловак у газеце: І зоркі з аркестрамі

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.