З 1 сакавіка ў большасці рэгіёнаў Беларусі (за выключэннем Віцебшчыны) уводзіцца забарона на лаўлю шчупака, які будзе доўжыцца па 15 красавіка (у Віцебскай вобласці забарона дзейнічае з 9 сакавіка па 25 красавіка).
Ахоўныя меры звязаны з пачаткам нерасту ў гэтага віду. Шчупак ідзе на яго раней іншых весенне-нерастуючых рыб, паколькі не такі патрабавальны да прагрэву вады. Прэснаводны драпежнік вельмі важны для балансу іхтыяфаўны — ён з’яўляецца свайго кшталту рэгулятарам рыбнага насельніцтва. Знішчэнне шчупаком малакаштоўнай драбязы, хворых і аслабленых рыб садзейнічае лепшаму росту каштоўных відаў і аздараўленню папуляцыі.
Летась у беларускія вадаёмы было ўселена 3,2 мільёна экземпляраў маладняку шчупака — больш, чым якога іншага віду. Як нагадалі ў Дзяржаўнай інспекцыі аховы жывёльнага і расліннага свету, вылаў гэтай рыбы падчас нераставай забароны цягне сур’ёзную адказнасць: адміністрацыйную ў выглядзе штрафу да 50 базавых велічынь або крымінальную, калі нанесеная шкода складае 100 і больш базавых велічынь. Сума шкода ў перыяд забароны вылічваецца з разліку 9 базавых велічынь (220,5 рубля) за адну асобіну шчупака.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
