Дар'я Домрачава заняла другое месца ў спрынце на восьмым этапе Кубка свету па біятлоне, які стартаваў сёння ў нарвежскім Халменколене.
Пераможцай стала Анастасія Кузьміна са Славакіі, якая паказала высокую хуткасць праходжання дыстанцыі і, нягледзячы на адзін промах, пераадолела 7,5 км за 21 мін. 31,8 сек. Беларуска Дар'я Домрачава без промахаў прайшла два агнявыя рубяжы і саступіла лідару 8,9 сек. Бронзавым прызёрам у спрынце стала украінка Юлія Джыма - 29,2 сек. (0 + 0).
Надзея Скардзіна завяршыла гонку на 24-м месцы, Надзея Пісарава заняла 87-ю пазіцыю.
На папярэднім этапе Кубка свету ў Кантыялахці Дар'я Домрачава заняла першае месца ў спрынце, тады як выступ у Фінляндыі для славацкай біятланісткі склаўся вельмі няўдала.
Сумесныя праекты ядзерных тэхналогій.