21 Верасень, пятніца

Вы тут

За прыпіскі і фіктыўныя паказчыкі ўзбуджана крымінальная справа


Да адказнасці прыцягнуты брыгадзір сельскагаспадарчага прадпрыемства Лідскага раёна, які два гады фіктыўна завышаў паказчыкі вытворча-гаспадарчай дзейнасці фермы.


Фота: kabarlar.org

Як расказаў начальнік Лідскага міжрайаддзела ўпраўлення Дэпартамента фінансавых расследаванняў КДК Гродзенскай вобласці Аляксандр Лагуноў, брыгадзір фермы К. з 2015 па 2017 гады займаўся прыпіскамі прыросту буйной рагатай жывёлы. Такі спосаб ен выбраў, каб падняць паказчыкі па прыбаўленнях у вазе і выканаць план нарошчвання аб'ёмаў вытворчасці ялавічыны. Невыкананне праграмы магло завершыцца для яго прыцягненнем да матэрыяльнай і дысцыплінарнай адказнасці і нават звальненнем з работы. Каб пазбегнуць пакарання, брыгадзір на працягу двух гадоў складаў справаздачы, у якіх ферма працавала эфектыўна, з прыбыткамі і прыбаўленнямі ў вазе. За віртуальныя поспехі між тым выплачвалася рэальная зарплата. Такім чынам, брыгадзіру і рабочым неабгрунтавана было налічана каля 12 тысяч рублёў, а нястача жывой вагі жывёл склала 290 тысяч кілаграм.

Па дадзеным факце Лідскім раённым аддзелам Следчага камітэта ўзбуджана крымінальная справа па артыкуле «Службовы падлог». Вядзецца расследаванне.

Маргарыта УШКЕВІЧ

Загаловак у газеце: Зарплата — рэальная, прыбаўленні ў вазе — віртуальныя

Дадаць каментар

Выбар рэдакцыі

Грамадства

Чаму ў Беларусі варта аптымізаваць колькасць сельсаветаў

Чаму ў Беларусі варта аптымізаваць колькасць сельсаветаў

І павышаць эфектыўнасць работы мясцовых органаў улады.

Грамадства

Якіх педагогаў  хочуць бачыць дзеці ў аб'яднаннях па інтарэсах?

Якіх педагогаў хочуць бачыць дзеці ў аб'яднаннях па інтарэсах?

​Для сістэмы дадатковай адукацыі ўласцівы адкладзены ў часе эфект.

Грамадства

Чым здзіўлялі арганізатары Фестывалю навукі?

Чым здзіўлялі арганізатары Фестывалю навукі?

Толькі Ньютан і толькі хардкор!