Вы тут

Лукашэнка павіншаваў Прэзідэнта Азербайджана з перамогай на выбарах


Аляксандр Лукашэнка павіншаваў Ільхама Аліева з упэўненай перамогай на выбарах Прэзідэнта Азербайджана, паведамляе прэс-служба кіраўніка беларускай дзяржавы.


«Вынікі галасавання пацвердзілі высокую салідарнасць выбаршчыкаў з паслядоўным курсам на будаўніцтва моцнага і квітнеючага Азербайджана. Упэўнены, што Ваша дзейнасць на адказным пасту кіраўніка дзяржавы забяспечыць далейшае ўмацаванне эканамічнай моцы краіны і яе міжнароднага аўтарытэта, будзе садзейнічаць усебаковаму развіццю дружалюбных беларуска-азербайджанскіх адносін», — гаворыцца ў тэксце віншавальнай тэлеграмы.

Аляксандр Лукашэнка таксама пажадаў Ільхаму Аліеву моцнага здароўя, шчасця, невычэрпнай энергіі і поспехаў у рэалізацыі намечаных планаў.

Акрамя таго, паміж прэзідэнтамі адбылася тэлефонная размова. Кіраўнікі дзяржаў абмеркавалі парадак дня двухбаковых адносін, стан і перспектывы гандлёва-эканамічнага супрацоўніцтва, кантакты на міжнароднай арэне. Адзначана высокая ступень даверу і ўзаемаразумення, якія характарызуюць беларуска-азербайджанскія адносіны, паведамляецца на афіцыйным інтэрнэт-партале Прэзідэнта Беларусі. У гандлёвым супрацоўніцтве краін апошнім часам назіраецца станоўчая дынаміка, і лідары падкрэслілі важнасць далейшых сумесных намаганняў у гэтым кірунку.

Пазачарговыя прэзідэнцкія выбары прайшлі ў Азербайджане 11 красавіка. Раніцай у чацвер Цэнтральная выбарчая камісія краіны паведаміла папярэднія вынікі пасля апрацоўкі практычна 100 % бюлетэняў: 83,06 % выбаршчыкаў аддалі свае галасы за Ільхама Аліева. Яўка выбаршчыкаў склала 74,3 %. Гэта чацвёртая перамога сына Гейдара Аліева, які ўзначальваў краіну з 1993 да 2003 года.

Барацьбу за галоўны дзяржаўны пост у Азербайджане вялі восем прэтэндэнтаў. Кандыдатура дзеючага Прэзідэнта была прапанаваная партыяй «Ені Азербайджан» («Новы Азербайджан»), якую ён узначальвае. Перамогу прызналі як сапернікі, так і міжнародныя назіральнікі, якія не выказалі прэтэнзій да ходу кампаніі і працэсу галасавання.

Новы прэзідэнцкі тэрмін у Азербайджане будзе доўжыцца сем гадоў.

Вольга МЯДЗВЕДЗЕВА

Загаловак у газеце: Без хістанняў

Выбар рэдакцыі

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».