Вы тут

Мазырскі доследны лясгас стаў лепшым экспарцёрам у краіне


Беларуская гандлёва-прамысловая палата падвяла вынікі рэспубліканскага конкурсу "Лепшы экспарцёр 2017 года". У ліку пераможцаў і лаўрэатаў — лесагаспадарчыя ўстановы Міністэрства лясной гаспадаркі. Пра гэта паведамляе яго прэс-служба.


Так, Мазырскі доследны лясгас перамог у намінацыі "Лясная гаспадарка і лесанарыхтоўчая прамысловасць". У сваім складзе дзяржаўная доследная лесагаспадарчая ўстанова мае цэх дрэваапрацоўкі, абсталяваны лініяй па вытворчасці пілавальных нарыхтовак, комплексам па вытворчасці дранкі паліўнай.

У 2017 годзе ўстановай было адгружана на экспарт прадукцыі на суму 5262,9 тысячы долараў ЗША. Сярод рынкаў збыту — Польшча, Літва, Румынія, Узбекістан, Германія, Бельгія, Венгрыя, Нідэрланды, Украіна.

У ліку лаўрэатаў конкурсу і Гомельскі лясгас. Лесагаспадарчая ўстанова набрала максімальна блізкую колькасць балаў да пераможцы і была адзначана заахвочвальным дыпломам у намінацыі "Лясная гаспадарка і лесанарыхтоўчая прамысловасць".

У фінальны этап конкурсу "Лепшы экспарцёр 2017 года" выйшлі 160 прадпрыемстваў краіны. Пераможцы былі вызначаны ў 22 намінацыях. Урачыстая цырымонія ўзнагароджання лепшых экспарцёраў па выніках мінулага года адбудзецца ў канцы мая ў Палацы Рэспублікі.

Сяргей РАСОЛЬКА

Выбар рэдакцыі

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».