Вы тут

UNIHELP выбраў лепшае віруснае відэа пра дабрачыннасць


Міжнароднае дабрачыннае аб'яднанне UNIHELP падвяло вынікі конкурсу віруснага відэа «Чалавек умее дапамагаць». У галасаванні перамог ролік маладой каманды з Мінска: Яўгенія Палешчука, Кацярыны Аўрамчыкавай, Кірыла Феактыстава і Дар'і Коўшык.


— На гэтым праекце мы навучыліся многаму. Атрымалі досвед зносін з дзецьмі, бацькамі. Я думаю, ён дакладна спатрэбіцца ў жыцці. Вельмі хваляваліся за вынік. Рады, што наш ролік спадабаўся людзям, — дзеліцца ўражаннямі Яўгеній Паляшчук.

Заяўкі на ўдзел у конкурсе даслалі каля 50-ці каманд, у склад якіх уваходзілі сцэнарысты, рэжысёры, аператары. Для выбару лепшых 12-ці былі запрошаны настаўнікі: дырэктар студыі прэзентацыйнага відэа Promofilm Дзяніс Кур'ян, мастацкі кіраўнік творчай майстэрні «Тэрыторыя кіно» Аляксандра Бутор, дырэктар творчай TV-майстэрні PROjectTV і рэжысёр тэлестудыі «Новы горад» Леля Архіпцава, рэжысёр Міцер Сямёнаў-Алейнікаў, дырэктар камунікацыйнага агенцтва Likemedia.by Якаў Бута, рэжысёр Ruba.Media.Group Алена Сакалоўская.

Конкурс быў арганізаваны да 15-годдзя UNIHELP і праводзіўся ўпершыню. Удзельнікаў чакалі пяць этапаў выпрабаванняў і галоўны прыз — 1.000 беларускіх рублёў на набыццё прафесійнага абсталявання.

Акрамя таго, каб адзначыць уклад удзельнікаў у дабрачыннасць, UNIHELP вырашыла узнагародзіць такім жа грашовым прызам усіх 12 каманд.

— Такім чынам мы хацелі аддзячыць намаганні людзей, якія працавалі не дзеля перамогі. Мы думалі, што калі ў конкурсу няма «імя», то цяжка вось так з першага разу пераканаць людзей у ім удзельнічаць. Але мы памыліліся. Заяўкі дасылалі з усёй Беларусі. Але самае прыемнае не гэта. Аказалася, што каманды прыйшлі на праект не атрымаць грашовы прыз, а каб сваім прыкладам паказаць — чалавек умее дапамагаць. Ёсць каманда, якая проста на сцэне аддала грашовы прыз на лячэнне цяжка хворага дзіцяці, — расказала кіраўнік праектаў па маркетынгу Міжнароднага дабрачыннага аб'яднання UNIHELP Кацярына Брыль.

Дадаць каментар

Выбар рэдакцыі

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.

Грамадства

Як сацыяльная рэклама змяняе стаўленне да бяздомных жывёл

Як сацыяльная рэклама змяняе стаўленне да бяздомных жывёл

«Не кідай мяне на лецішчы», «Я таксама хачу сустрэць Новы год дома» — такія кранальныя словы бачылі жыхары Масквы на білбордах з сацыяльнай рэкламай пра бяздомных жывёл.

Культура

«Свята каваля» прайшло пад Мінскам

«Свята каваля» прайшло пад Мінскам

Кожны ахвотны мог зрабіць што-небудзь з жалеза.