Вы тут

Уладзімір Патупчык і Сяргей Новікаў вызваленыя ад займаных пасад


Міністр энергетыкі Уладзімір Патупчык, а таксама начальнік Дзяржаўнай інспекцыі аховы жывёльнага і расліннага свету Сяргей Новікаў і яго намеснік Аляксандр Дуньковіч вызваленыя ад займаных пасад. Адпаведныя ўказы падпісаў Прэзідэнт Аляксандр Лукашэнка, паведамляе прэс-служба беларускага лідара.


Два кіраўнікі Дзяржаўнай інспекцыі пазбавіліся пасад за непрыняцце мер па спыненні правапарушэнняў і фактаў карупцыі ў падведамасных арганізацыях. Так, у інспекцыі былі выяўлены факты карупцыі, звязаныя з браканьерствам. Учора стала вядома, што выконваючым абавязкі начальніка Дзяржаўнай інспекцыі аховы жывёльнага і расліннага свету Прэзідэнт назначыў Аляксандра Назаранку.

Карупцыйныя правапарушэнні мелі месца і ў сістэме Міністэрства энергетыкі. Па гэтай прычыне быў звольнены генеральны дырэктар «Белэнерга» Яўген Воранаў. Затым стала вядома і аб вызваленні ад пасады міністра энергетыкі. Як заявіў старшыня Камітэта дзяржаўнай бяспекі Валерый Вакульчык у эфіры тэлеканала «Беларусь 1», Уладзімір Патупчык пазбавіўся міністэрскага партфеля за заступніцтва ў стварэнні незаконнага сямейнага бізнесу па пастаўках будматэрыялаў па завышаных цэнах.

«Падчас даклада кіраўніку дзяржавы абмяркоўвалася пытанне, звязанае з міністрам энергетыкі Беларусі. Не так даўно Прэзідэнтам была пастаўлена задача разабрацца з інфармацыяй, якая датычыцца асабіста міністра і членаў яго сям'і. Гэтая работа камітэтам была праведзена. Устаноўлена наяўнасць створанага пры падтрымцы і заступніцтве асабіста міністра энергетыкі Патупчыка сямейнага бізнесу, падраду, які заключаецца ў пастаўцы будматэрыялаў па завышаных цэнах на аб'екты будаўніцтва, што спрыяла, натуральна, узбагачэнню, незаконнаму атрыманню прыбытку», — адзначыў старшыня КДБ.

Загаловак у газеце: Цяпер без партфеляў

Каментары

Мяркую, вызвалены за іншае, - менавіта за тое, што не "здолеў" упісаць АЭС у энергасістэму.

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.