Вы тут

Беларусь разлічвае на супрацоўніцтва з Еўрасаюзам


Беларусь разлічвае на супрацоўніцтва з Еўрасаюзам для развіцця лічбавай эканомікі.

Такі намер учора выказаў намеснік старшыні Палаты прадстаўнікоў Баляслаў ПІРШТУК на сустрэчы з дэлегацыяй паслоў па асобых даручэннях краін Еўрапейскага саюза па справах «Усходняга партнёрства».


Віцэ-спікер адзначыў, што краіны Еўрасаюза маюць добрыя пазіцыі ў плане лічбавай эканомікі, дэкрэт аб развіцці якой быў прыняты ў Беларусі ў канцы 2017 года. «Мы ведаем вопыт краін, якія маюць у гэтым плане добрыя вынікі. Таму вельмі хацелася б, каб краіны з пераходнай эканомікай, такія як Беларусь, у самыя кароткія тэрміны рэалізавалі ў сябе вопыт, які маюць еўрапейцы», — адзначыў ён.

Баляслаў Пірштук таксама расказаў, што беларуская дэлегацыя ў Парламенцкай асамблеі АБСЕ на чарговым пасяджэнні плануе прапанаваць рэзалюцыю аб прасоўванні лічбавай эканомікі на прасторы гэтай арганізацыі, каб узмацніць эканамічны складнік у адносінах краін рэгіёна АБСЕ.

Акрамя таго, ён падкрэсліў, што для Беларусі адным з асноўных кірункаў гандлёва-стратэгічнага характару з'яўляюцца адносіны з Еўрасаюзам. «У мінулым годзе тавараабарот з ЕС вырас практычна на 30 %, — звярнуў увагу Баляслаў Пірштук. — Ён склаў ужо 27 % ад агульнага аб'ёму нашага знешняга тавараабароту. Гэта добры сігнал, гэта пацвярджае, што мы знаходзімся на правільным шляху ў супрацоўніцтве з нашымі партнёрамі па Еўрапейскім саюзе».

Акрамя тэхналагічных распрацовак, Беларусь зацікаўлена і ў інвестыцыйным супрацоўніцтве з еўрапартнёрамі, таму ў тым ліку на заканадаўчым узроўні ў нашай краіне ствараюцца спрыяльныя ўмовы для інвестараў. Віцэ-спікер дадаў, што на цяперашні момант у нас даволі шмат праектаў з Еўрасаюзам па розных напрамках — пачынаючы ад інфраструктурных аспектаў і заканчваючы падтрымкай праектаў малога і сярэдняга бізнесу. «Нам хацелася б, каб іх было больш і яны прасоўваліся больш хуткімі тэмпамі», — падкрэсліў Баляслаў Пірштук.

На сустрэчы намеснік старшыні Палаты прадстаўнікоў прапанаваў абмеркаваць сучасныя выклікі і пагрозы, з якімі сутыкаюцца дзяржавы, у тым ліку і ўдзельнікі ЕС. Пазней пасол па асобых даручэннях МЗС Польшчы Ян Хафмокль адзначыў, што такія сустрэчы дапамагаюць наладзіць канструктыўны дыялог, пагаварыць аб пытаннях, важных для будучага супрацоўніцтва.

Уладзіслаў ЛУКАШЭВІЧ

Фота БЕЛТА

Загаловак у газеце: Пераняць і рэалізаваць

Выбар рэдакцыі

Грамадства

Калі чалавек становіцца кнігай. Што такое «Жывая Бібліятэка»?

Калі чалавек становіцца кнігай. Што такое «Жывая Бібліятэка»?

Аповеды ў «Жывой Бібліятэцы» заўсёды запамінаюцца «чытачам», бо «кніга» — сам чалавек з непаўторным жыццёвым досведам, сваім ладам жыцця...

Грамадства

Якімі шляхамі будзе развівацца зялёная эканоміка?

Якімі шляхамі будзе развівацца зялёная эканоміка?

Элементы «азелянення» эканомікі ўключаюць у сябе электратранспарт, гарадскую мабільнасць, разумныя гарады, арганічную сельскую гаспадарку і экалагічны турызм.

Культура

Рэха «Славянскага базару»: чым запомніўся 28-ы па ліку мастацкі форум

Рэха «Славянскага базару»: чым запомніўся 28-ы па ліку мастацкі форум

За фестывальны тыдзень у Віцебску прайшло без малога дзве сотні падзей.