Вы тут

Механізм дарожнага збору абмеркавалі ў Палаце прадстаўнікоў


Верагодна, большасць кіроўцаў нашай краіны цікавіць — як жа вырашыцца пытанне з дарожным зборам? Яго ўключаць у кошт паліва? Ці яго будуць збіраць па месяцах? А можа, ёсць нейкія іншыя варыянты? Некаторыя падрабязнасці работы над гэтай няпростай тэмай раскрыў міністр фінансаў Максім Ермаловіч на нядаўнім пашыраным пасяджэнні Пастаяннай камісіі Палаты прадстаўнікоў па бюджэце і фінансах.


Сапраўды, на сустрэчы абмяркоўвалі бюджэт, аднак у канцы мерапрыемства прадстаўнік дэпутацкага корпуса ўзняла пытанне дарожнага збору. Яна прапанавала знізіць стаўку дзяржпошліны за выдачу дазволу на допуск транспартнага сродку да ўдзелу ў дарожным руху, каб павялічыць яе збіральнасць. Максім Ермаловіч у адказ справядліва заўважыў:

«Кошт дарожна-транспартнай інфраструктуры мае сваю цану, — нагадаў ён. — Плаціць прыйдзецца, толькі па якім механізме? Паменшыць стаўку — значыць, знізіць выдаткі на дарожную гаспадарку. Гэта пытанне дыскусійнае».

Акрамя таго, Максім Ермаловіч пракаментаваў два варыянты механізма, якія зараз разглядаюцца: з магчымасцю аплаты дарожнага збору па месяцах або ўключэнне яго ў кошт паліва:

«Мы асцярожна разглядаем абодва варыянты. Яны з пункту гледжання даходаў ідэнтычныя. З пункту гледжання адміністравання збіраць падатак праз паліва значна лягчэй».

Сітуацыя такая, што ў кожнага з падыходаў ёсць і перавагі, і недахопы. Узяць хоць бы збіранне збору праз павелічэнне кошту паліва — калі прымуць такое рашэнне, то яно ўскосна адаб'ецца на цане тавараў і паслуг, паколькі на запраўцы немагчыма падзяліць, хто запраўляецца — дачнік-пенсіянер, бізнесмен, кіроўца камерцыйнага аўтатранспарту.

Дарэчы, міністр фінансаў таксама расказаў пра альтэрнатыўныя варыянты, якія разглядаліся раней, — прывязаць дарожны збор да страхоўкі, а яшчэ, напрыклад, адсочваць аплату праз сістэму відэаманіторынгу дарожнага патоку.

Уладзіслаў ЛУКАШЭВІЧ

Загаловак у газеце: У кошт паліва ці па месяцах?

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.