Вы тут

Нацюрморт Любіча папоўніў калекцыю Нацыянальнага мастацкага музея


Пасольства Беларусі ў Швейцарскай канфедэрацыі працягвае ўзбагачаць айчынныя музеі. Днямі краіна атрымала ў падарунак «Нацюрморт са збанам» Восіпа Любіча.


Ужо на пачатку года наша краіна атрымала ў дар ад Ганаровага консула Рэспублікі Беларусь у Цюрыху Атанасіяса Акратоса «Маленькі букет кветак» Восіпа Любіча. Гэта ўжо другая карціна творцы, які адносіцца да плеяды беларускіх мастакоў Парыжскай школы, што таксама прыйшла са Швейцарыі. Яна пашырае ўяўленне не толькі пра творчасць Любіча, але і наогул пра той перыяд (пачатак ХХ стагоддзя), разумець які нам да нядаўняга часу даводзілася тэарэтычна ці па каталогах і альбомах. Пры тым, што мастакі — выхадцы з Беларусі ў той час актыўна ўдзельнічалі ў мастацкім жыцці Еўропы, і сярод іх былі не толькі Марк Шагал і Хаім Суцін, — значна больш імёнаў, значна больш асоб... Іх творы пакрысе вяртаюцца ў Беларусь дзякуючы рупліўцам-збіральнікам мастацкай спадчыны, якая мае дачыненне да нас, і выстаўляюцца для паказу, каб кожны мог убачыць арыгінал. Выбух цікавасці да іх адбыўся падчас прадстаўлення праекта «Мастакі Парыжскай школы з Беларусі» ў 2012 годзе, і музей тады ж атрымаў афорт Восіпа Любіча ў падарунак ад яго дачкі Дзіны, што жыве ў Парыжы.

Перадача ў дар яшчэ аднаго твора Восіпа Любіча — чарговы крок да фарміравання музейнай калекцыі, прысвечанай таму перыяду і значэнню нашых творцаў у ім. Пасля вывучэння спецыялістамі работа ўраджэнца Гродна Любіча будзе дэманстравацца на выставах Нацыянальнага мастацкага музея Рэспублікі Беларусь.

Ларыса ЦІМОШЫК

Загаловак у газеце: Крокі з Любічам

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Піць — хваробу лячыць...

Эканоміка

Ці паўплываюць буйныя спартыўныя спаборніцтвы на кошт арэнды жылля ў Мінску

Ці паўплываюць буйныя спартыўныя спаборніцтвы на кошт арэнды жылля ў Мінску

Рынак нерухомасці заўсёды нестабільны перад значнымі мерапрыемствамі, якія прыцягваюць турыстаў.

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне.