Вы тут

Моладзь запрашаюць на «Круглае возера — 2018»


Маладыя людзі ад 18 да 35 гадоў (у тым ліку і тыя, у каго ёсць фізічныя абмежаванні) правядуць 10 займальных і пазнавальных дзён у час летняга інтэграцыйнага палатачнага лагера-семінара «Круглае возера — 2018», які пройдзе з 4 па 14 жніўня.


Унікальная адукацыйная праграма, а таксама паходная лазня, гітара і барабаны, новыя сябры і шчырыя размовы каля вогнішча... «Наш лагер — гэта маленькае жыццё ў лесе, на беразе возера, удалечыні ад гарадской мітусні. Гэта «адкрытая прастора», дзе дзейнічаюць толькі тыя правілы, якія маладыя людзі ўстанаўліваюць для сябе самі», — паведамілі нам у Беларускім маладзёжным грамадскім аб'яднанні «Розныя-Роўныя», якое з'яўляецца арганізатарам «Круглага возера — 2018».

Падчас адукацыйнай праграмы лагера-семінара маладыя людзі будуць гаварыць пра бар'еры, якія ўскладняюць узаемадзеянне людзей з інваліднасцю і без яе, паспрабуюць разабрацца, як стэрэатыпы і забабоны ўплываюць на якасць жыцця моладзі. Гаворка будзе ісці і аб інклюзіі, і аб тым, што яна датычыцца кожнага сучаснага чалавека.

Увогуле, арганізатары абяцаюць цікавыя дыскусіі, ролевыя гульні, форум-тэатр і многае іншае. Іх мэта — навучыць удзельнікаў лагера прымаць розных людзей такімі, якія яны ёсць, пазбягаючы забабонаў і ўмоўнасцяў, а таксама — адкрыта выказваць сваё меркаванне і праяўляць ініцыятыву, прымаць рашэнні і ўсведамляць наступствы сваіх дзеянняў, вырашаць канфліктныя сітуацыі, ператвараючы іх у новы карысны вопыт. Таксама арганізатары ўзялі на сябе дастаўку ўдзельнікаў з Мінска да лагера і забеспячэнне іх харчавання і пражывання.

Святлана Бусько

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.