Вы тут

Плаціць за «камуналку» будзем па-новаму. За што і калі?


Асобны кранік на паліў агарода пакуль не запатрабаваны.

У апошнія дні чэрвеня ў нашай краіне перагледзелі парадак разлікаў і ўнясення платы за жыллёва-камунальныя паслугі («Звязда» за 6 ліпеня). Дык вось, асноўныя змены ўступілі ў сілу з 1 ліпеня, а асобныя — з 1 кастрычніка.


«Свежыя» жыроўкі атрымаем у жніўні за ліпень

Нагадаем, што з гэтага месяца перагледжаны ў бок павелічэння нарматывы на электраэнергію для тых, чые жылыя памяшканні не абсталяваны сістэмамі цэнтральнага гарачага водазабеспячэння і цэнтралізаванага забеспячэння прыродным газам. Для гэтай катэгорыі нарматыў павышаны да 250 кВт·гадзін. Больш за тое, пры спажыванні ад 250 да 400 кВт·гадзін аплата таксама будзе праводзіцца па субсідаваных тарыфах, але з прымяненнем павышаючага каэфіцыента 1,3. І толькі пры перавышэнні 400 кВт·гадзін плаціць прыйдзецца па эканамічна абгрунтаваных тарыфах.

Таксама пачала працаваць зніжка на ацяпленне ў 10 % на працягу трох гадоў для тых, хто за свой кошт установіць прыборы індывідуальнага ўліку расходу цеплавой энергіі. А тым, у каго ўжо былі такія лічыльнікі да 1 студзеня гэтага года, але імі не карысталіся, будзе зроблена зніжка ў 5 % на ацяпленне на працягу трох гадоў, калі яны пачнуць аплачваць па прыборах.

З першых дзён ліпеня непрацуючыя пенсіянеры, а таксама тыя, хто мае права на льготы па аплаце жыллёва-камунальных плацяжоў, і інваліды III групы могуць аплачваць паслугі электра- і газазабеспячэння па субсідаваных тарыфах у дачыненні да двух жылых памяшканняў: па адрасе абавязковай рэгістрацыі па месцы жыхарства і рэгістрацыі па месцы знаходжання.

У ліпені, калі б не залевы, мог бы запрацаваць «асобны кранік на паліў агарода». Гаспадары індывідуальных дамоў, якія ўтрымліваюць жывёлу і займаюцца агародам, могуць устанавіць асобны прыбор уліку спажывання вады. Ён будзе кантраляваць расход вады менавіта на паліў і ўтрыманне жывёлы, і гэты аб'ём вады будзе выключацца з платы за паслугу водаадвядзення.

Наступныя змены ўбачым у лістападзе. Калі будзем плаціць за кастрычнік

«Не плаціць за смецце, якога няма» можна будзе з пачатку кастрычніка. Так, уласнікі аднакватэрных, блакіраваных жылых дамоў, у якіх ніхто не прапісаны, змогуць на 6 месяцаў у каляндарным годзе прыпыняць аказанне паслугі па абыходжанні з цвёрдымі камунальнымі адходамі. І, адпаведна, не плаціць за гэта.

Тыя, хто жыве ў інтэрнаце і заключыў дагавор найму жылога памяшкання, за кастрычнік абавязаны ўносіць плату за водазабеспячэнне, водаадвядзенне, электрычную энергію. Гэта датычыцца ў тым ліку спажыванай электраэнергіі на асвятленне дапаможных памяшканняў і работу абсталявання, а таксама санітарнага ўтрымання дапаможных памяшканняў. Увага! У абавязковым парадку трэба будзе плаціць за ўсе паслугі, якія налічваюцца ў залежнасці ад колькасці не зарэгістраваных, а тых, хто пражывае.

Таксама з кастрычніка пачне дзейнічаць новы парадак ліквідацыі дапушчаных выканаўцам памылак, у выніку якіх прыходзіцца дадаткова налічаць плацельшчыку пэўныя сумы. Даналічэнне цяпер магчыма ажыццяўляць толькі за тры месяцы.

Сяргей КУРКАЧ

Фота БЕЛТА

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.