Вы тут

Праект, прысвечаны стагоддзю камсамола, запускае БРСМ


Беларускі рэспубліканскі саюз моладзі дае старт новаму праекту  "100 дзён да 100-годдзя!", прысвечанага векавому юбілею ВЛКСМ.


Можна па-рознаму ставіцца да ідэалаў мінулага: настальгаваць па іх ці, наадварот, лічыць перажыткам мінулай эпохі, але той факт, што камсамол даў пуцёўку ў жыццё многім маладым людзям і стаў для іх сапраўднай школай жыцця, бясспрэчны.

ВЛКСМ паклаў пачатак маладзёжнаму руху і ў нашай краіне. Яго найлепшыя традыцыі, але ў сучасным фармаце, вось ужо амаль 16 гадоў развівае БРСМ -- правапераемнік камсамола Беларусі.

Новы медыяпраект накіраваны на захаванне пераемнасці пакаленняў і традыцый, фарміраванне ў сучасных юнакоў і дзяўчат цікавасці да вывучэння гісторыі маладзёжнага руху і прадугледжвае правядзенне маштабнай даследчай работы па вывучэнні подзвігаў славутых камсамольцаў, а таксама простых членаў арганізацыі, чые юнацтва і маладосць загартоўваліся ў гады Вялікай Айчыннай вайны , хто сваёй працай уздымаў краіну з руінаў у пасляваенны перыяд, развіваў эканоміку, навуку і культуру, праслаўляў спартыўнымі дасягненнямі.

Беларусы змогуць падзяліцца сямейнымі гісторыямі пра камсамол. Абсалютна кожны можа расказаць пра сябе, сваіх бацькоў і дзедаў, даслаць фотаздымкі і матэрыялы... Цікавасць уяўляе ўсё: знакавыя будоўлі, якія былі на тэрыторыі Беларусі, маладзёжныя вяселлі, турпаходы і злёты, праца ў будатрадах...

Падчас рэалізацыі медыяпраекта "100 дзён да 100-годдзя!"  на сайце "Моладзь Беларусі" brsm.by і ў аднайменнай групе ў сацыяльнай сетцы "УКантакце" будзе створаны каляндар знакавых падзей маладзёжнага руху.

Надзея НІКАЛАЕВА

Выбар рэдакцыі

Спорт

Якаў Зянько: На лёдзе даю  волю эмоцыям

Якаў Зянько: На лёдзе даю волю эмоцыям

Ён — адзін з нямногіх прадстаўнікоў беларускага фігурнага катання на міжнароднай арэне. 

Грамадства

Чаму карты на беларускай мове — гэта стапрацэнтны эксклюзіў?

Чаму карты на беларускай мове — гэта стапрацэнтны эксклюзіў?

Першай грунтоўнай работай айчынных картографаў па-беларуску стаў Нацыянальны атлас, выпушчаны ў 2002 годзе.

Культура

Што агульнага паміж творчасцю і «табурэткай»?

Што агульнага паміж творчасцю і «табурэткай»?

Дзе можна асвоіць літаратурнае майстэрства? Як становяцца пісьменнікамі?

Грамадства

Асноўная задача — захаваць біялагічную сям'ю

Асноўная задача — захаваць біялагічную сям'ю

«Звязда» звярнулася па каментарыі аб рэалізацыі Дэкрэта Прэзідэнта № 18 да старшынь профільных камісій абедзвюх палат Нацыянальнага сходу Беларусі.