27 кастрычніка, аўторак

Вы тут

«Вялікая бард-рыбалка» пройдзе ў Быхаўскім раёне


ІХ міжнароднае музычна-спартыўнае свята «Вялікая бард-рыбалка» пройдзе ў Быхаўскім раёне ўжо ў гэтыя выхадныя.


Тым, хто яшчэ не вырашыў, як арганізаваць свой суботні і нядзельны адпачынак, напэўна, будзе цікава акунуцца ў сяброўскую атмасферу душэўнага мерапрыемства на беразе Чыгірынскага вадасховішча. Самае галоўнае, што на яго праграму ніякім чынам не зможа паўплываць надвор'е. Бо галоўны сэнс свята — поўнае яднанне з прыродай, прапаганда здаровага ладу жыцця, спорт, экатурызм. Форма адзення пажадана спартыўная, бо тут як заўсёды будзе шмат мерапрыемстваў для актыўных — адкрыты турнір па пляжным валейболе сярод аматараў і прафесіяналаў, конкурс «Каралева бард-рыбалкі» ад адной з заснавальніц фітнес-руху ў Беларусі Наталлі Наважылавай, дабрачынны кубак «Вялікай бард-рыбалкі» па бегу. За кожны кіламетр шляху «Магатэкс» — генеральны партнёр праекта — пералічыць грошы на дабрачынны рахунак па адраджэнні мясцовай славутасці ХVІІ стагоддзя — Быхаўскага замка. Перад стартам Наталля Наважылава правядзе масавую размінку. А яшчэ будзе шмат песенных і рыбалоўных спаборніцтваў, кулінарных паядынкаў і лазнева-аздараўленчых майстар-класаў. Адбудзецца чэмпіянат Беларусі па прыгатаванні юшкі пад кіраўніцтвам шэф-кухара Барыса Бурды, вядомага знатака, барда і тэлевядучага. Наогул, тут можна будзе пабачыць шмат медыйных асоб у амаль хатняй абстаноўцы. Аматарам спеваў пад гітару будзе дзе адвесці душу. Удзел у мерапрыемстве прымаюць музыканты і паэты з дзевяці краін: Беларусі, Расіі, Украіны, Германіі, Польшчы, Чэхіі, Славакіі, Грузіі і ЗША.

Нэлі ЗІГУЛЯ

Загаловак у газеце: Гайда на бард-рыбалку!

Выбар рэдакцыі

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне.