Вы тут

Як Гродзі сталі папулярным месцам адпачынку Ашмянскага раёна


Мноства аўто ўздоўж дарогі, песенны «вінегрэт» да дзвюх гадзін ночы, святламузыка, бясплатныя кампазіцыі па заказе і каля 200 чалавек на танцавальнай пляцоўцы. Так па начах у пятніцу, суботу і нядзелю выглядае дыскатэка ў звычайным сельскім клубе вёскі Гродзі, хоць дабрацца сюды ў гэты час можна толькі на таксі ці сваім аўто, а да Ашмян — 12 кіламетраў. Тым не менш ужо некалькі гадоў сюды сцякаецца моладзь не толькі з мястэчак раёна, а і з суседняга Астравецкага.


Растлумачыць такую папулярнасць цяжка нават супрацоўнікам клуба. Тым больш што два гады таму яго ўвогуле закрывалі з-за адсутнасці туалетаў і камер відэаназірання. Цяпер на дыскатэцы ёсць усе неабходныя атрыбуты і няма адбою ад наведвальнікаў, паведамляе "Ашмянскі веснік".

Амаль усіх заўсёднікаў тут даўно ведаюць, таму новыя твары адразу заўважаюцца і гасцям заўжды рады.

— Я стараюся ўсё арганізаваць з душой, спрабую зразумець моладзь, улавіць яе музычныя патрабаванні, стаўлю сябе на іх месца. Некаторыя нават кажуць, што я сама застыла ў маладосці, — смяецца загадчыца аддзела культуры і вольнага часу вёскі Гродзі Станіслава ТАМАШЭВІЧ.

Больш за тое, на дыскатэцы загадзя складаюць плэйліст, арыентуючыся на густ танцораў. Круцяць і рэтра, і сучасную папсу, і кампазіцыі 90-х... усё, што ведаюць усе, як кажуць тут.

Зваротная сувязь з гасцямі арганізавана праз інтэрнэт. У сацыяльнай сетцы «УКантакце» створана спецыяльная група «Дыскатэка Гродзі». Менавіта тут нараджаецца рэпертуар вечарын і пішуцца пажаданні і падзякі за сумесны адпачынак. Адміністратар групы праводзіць апытанкі, у які з дзён пэўных выхадных лепш праводзіць дыскатэку, арганізоўвае своеасаблівую пераклічку на старонцы, хто прыйдзе на вечарыну. Нават наладжвае розыгрышы бясплатнага ўваходу за перапост паведамленняў дыскатэкі.

Група, дарэчы, паралельна адыгрывае ролю клуба знаёмстваў, куды наведвальнікі пішуць, каб адшукаць адно аднаго і дамовіцца пра сустрэчу. А яшчэ — бюро знаходак, дзе паведамляюць пра знойдзеныя тэлефоны, пашпарты і іншыя рэчы, якія згубілі.

Магчыма, у гэтым і хаваецца сакрэт папулярнасці сельскай дыскатэкі ў Гродзях..., дзе ўсё душэўнае, роднае — і побач.

Ірына СІДАРОК

Загаловак у газеце: Сельская дыскатэка ў інтэрнэце

Выбар рэдакцыі

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці. 

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.