22 Верасень, субота

Вы тут

Прэзідэнт – в'етнамскаму паслу: сяброў бліжэй Беларусі ў свеце не знойдзеце


Такое меркаванне выказаў Аляксандр Лукашэнка на сустрэчы з Надзвычайным і Паўнамоцным Паслом Сацыялістычнай Рэспублікі В'етнам у Рэспубліцы Беларусь Ле Анем, які завяршае дыпламатычную місію ў нашай краіне.


У пачатку сустрэчы Прэзідэнт заявіў: нягледзячы на ​​тое, што падобныя сустрэчы носяць пратакольны характар, яны важныя з пункту гледжання тых прыярытэтаў, якія Беларусь сёння выбудоўвае. "Для нас В'етнам – адзін з сур'ёзных знешнепалітычных прыярытэтаў, я нават скажу прама – вы нам людзі не чужыя. Вы родныя для нас людзі, паколькі ў нашай гісторыі было тое, што бывае толькі з блізкімі людзьмі, – адзначыў беларускі лідар. – Мы разам змагаліся з вамі за суверэнітэт і незалежнасць В'етнама, і ў тым росквіце, які намеціўся ў В'етнаме, у тых поспехах, якія вы сёння маеце, напэўна, ёсць пэўная заслуга савецкага чалавека".

Паводле слоў Аляксандра Лукашэнкі, цяперашнія адносіны дзвюх дзяржаў заснаваныя менавіта на падмурку і ідэалогіі таго перыяду, а таксама ўсіх тых кантактах ўжо суверэннай незалежнай Беларусі і В'етнама. "Хачу вас запэўніць, перадайце гэта кіраўніцтву В'етнама, што бліжэй сяброў у свеце вы не знойдзеце – іх проста няма", – дадаў ён.

Кіраўнік дзяржавы таксама дадаў, што ў Беларусі вельмі цэняць тое, што В'етнам і яго кіраўніцтва ставяцца да нашай краіны адпаведным чынам. "Вы заўсёды будзеце бачыць у нас не проста надзейных партнёраў – гэта не абмяркоўваецца – блізкіх людзей, якія гатовы прыйсці вам на дапамогу ў любую хвіліну для таго, каб народ В'етнама, шматпакутны народ, жыў і квітнеў", – падкрэсліў беларускі лідар.

На думку Аляксандра Лукашэнкі, нашы палітычныя адносіны, дыпламатыя значна апярэджваюць гандлёва-эканамічныя адносіны – гэты аспект неабходна падцягваць і актывізаваць, Беларусь да гэтага гатовая. Вельмі важна і тое, што ўсё, што вырабляецца ў Беларусі, запатрабавана ў В'етнаме, у сваю чаргу і В'етнам вырабляе вельмі шмат тавараў, якія закупляе наша краіна на знешніх рынках.

Прэзідэнт падзякаваў Ле Аню за ўсё добрае, што ён зрабіў для збліжэння дзвюх дзяржаў і народаў. Па словах кіраўніка дзяржавы, вельмі хацелася б, каб новы пасол В'етнама ў Беларусі працягнуў тую палітыку, якую ажыццяўляў яго папярэднік.

Па выніках сустрэчы пасол пагутарыў з журналістамі. Ле Ань адзначыў, што Беларусь і В'етнам могуць узаемна дапаўняць адзін аднаго ў розных сферах – сельскай гаспадарцы, вытворчасці мясных, малочных прадуктаў, будаўніцтве, адукацыі, турызме і ваеннай галіне, каб дасягнуць мэты ў 500 мільёнаў долараў тавараабароту. Ён перакананы: калі кампетэнтныя органы дзвюх дзяржаў будуць працаваць больш актыўна, то бакі змогуць дасягнуць агульную мэту.

Даведка

Ле Ань нарадзіўся 21 снежня 1957 года ў Ханоі. Адукацыя вышэйшая, у 1988 годзе скончыў Азербайджанскі ўніверсітэт архітэктуры і будаўніцтва, у 2008 годзе – Інстытут эканомікі Расійскай акадэміі навук. З'яўляецца доктарам эканамічных навук.

Свой насычаны кар'ерны шлях пачынаў са службы у В'етнамскай народнай арміі. Працаваў інжынерам у розных арганізацыях, спецыялістам Дэпартамента па фінансавых і бухгалтарскіх пытаннях Міністэрства замежных спраў В'етнама, а таксама намеснікам генеральнага дырэктара ў гэтым жа ведамстве. Акрамя таго, займаў пасады трэцяга сакратара в'етнамскага пасольства ў Тайландзе, саветніка па консульскіх пытаннях Пасольства В'етнама ў Расіі. У Беларусі пачаў сваю дзейнасць на пасадзе пасла ў 2015 годзе.

Уладзіслаў ЛУКАШЭВІЧ

Фота БЕЛТА

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.