Вы тут

Мінулы верасень быў самым цёплым за пасляваенны перыяд


Верасень характарызаваўся летним надвор'ем, а пахаладала толькі ў трэцяй дэкадзе месяца. Такім цёплым верасень у Беларусі выдаўся ўпершыню за пасляваенны перыяд, паведаміў Белгідрамет.


Пераход сярэдняй сутачнай тэмпературы паветра праз +14 °С на большай частцы тэрыторыі краіны ажыццявіўся 22-23 верасня (на дзве дэкады пазней за звычайныя тэрміны). У кліматалогіі гэта лічыцца заканчэннем лета.

Большую частку месяца сярэднясутачная тэмпература паветра знаходзілася ў межах +13..+19 °С, у асобныя суткі ў асноўным па паўднёвым усходзе рэспублікі сярэдні фон тэмпературы павышаўся да +20..+24 °С, што адпаведна на 2-6 °С і 7-10 °С цяплей, чым звычайна. Максімальнае значэнне тэмпературы паветра - 30,2 градуса - зарэгістравана 4 верасня на метэастанцыях Акцябр і Пінск.

Дажджы ў верасні былі пераважна кароткачасовымі і часцей за ўсё адзначаліся ў трэцяй дэкадзе месяца. У цэлым за месяц на большай частцы тэрыторыі краіны выпала месячная норма ападкаў - 44-78 мм. У асобных раёнах Віцебскай, Мінскай, Гродзенскай, Магілёўскай і Брэсцкай абласцей і на большай частцы тэрыторыі Гомельскай вобласці сума ападкаў  не перавысіла 40-70% месячнай нормы.

У верасні пераважалі слабыя і умераныя вятры, толькі ў асобныя суткі месцамі адзначалася ўзмацненне ветру парывамі да 15-21 м/с. Максімальная хуткасць ветру - 21 м/с -зарэгістравана 24 верасня на метэастанцыях Слаўгарад і Брэст. Чатыры дні назіраліся навальніцы, дзе-нідзе адзначаўся град. На працягу 10-13 начэй у асобных раёнах згушчаліся непрацяглыя туманы.

Выбар рэдакцыі

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM?